ହରଭଙ୍ଗା : ବୌଦ୍ଧ ଜିଲା ପୁରୁଣାକଟକ ଥାନା ଅନ୍ତର୍ଗତ ମାଧପୁରରୁ ମଙ୍ଗଳବାର ବିଳମ୍ବିତ ରାତିରେ ପୁରୁଣାକଟକ ପୁଲିସ ଚଢଉ କରି ଏକ ମିକ୍ସଚର ବୋଝେଇ ଗାଡିରୁ ୯୦ କେଜି ଗଞେଇ ଜବତ କରିବା ସହ ଦୁଇ ଅଭିଯୁକ୍ତ ଚାରିଛକ ଅଞ୍ଚଳର ଶରତ କୁମାର ସାହୁ (୫୩) ଏବଂ ଭାପୁର ଅଞ୍ଚଳର ପ୍ରଶାନ୍ତ କୁମାର ସାହୁ(୩୦)ଙ୍କୁ ଗିରଫ କରିଥିଲା। ଆଜି ୨ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି।
ସୂଚନାନୁସାରେ ଏକ ବୋଲେରୋ ଗାଡି ଯୋଗେ କନ୍ଧମାଳ ଜିଲା ଫିରିଙ୍ଗିଆ ଅଞ୍ଚଳରୁ ମାଧପୁର ଦେଇ କଟକ ଜିଲା ନରସିଂପୁର ଅଞ୍ଚଳକୁ ଗଞ୍ଜେଇ ଚୋରା ଚାଲାଣ ହେଉଥିଲା। ଖବର ପାଇ ପୁରୁଣାକଟକ ପୁଲିସ ମାଧପୁରଠାରେ ଜଗିରହି ଗାଡିକୁ ଧରିଥିଲା। ମିକ୍ସଚର ବସ୍ତାରେ ଗଞେଇ ଭର୍ତ୍ତୀ ହୋଇଥିବା ଗାଡିକୁ ଜବତ କରିବା ସହ ଦୁଇ ଅଭିଯୁକ୍ତଙ୍କୁ ଗିରଫ କରିଥିଲା। ଆଜି ପୁରୁଣାକଟକ ପୁଲିସ କେଶନଂ ୫୫/୨୩ ଏକ ମାମଲା ରୁଜୁ କରି ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିବା ଥାନା ଅଧିକାରୀ ଜ୍ୟୋସ୍ନା କାଉଁରୀ ସୂଚନା ଦେଇଛନ୍ତି।
Comments are closed.