ଗୁରୁଗ୍ରାମ: ଜି-୨୦ ସମ୍ମିଳନୀ ପାଇଁ ଲଗାଯାଇଥିବା ଫୁଲକୁଣ୍ଡ ଚୋରି ମାମଲାରେ ଗୁରୁଗ୍ରାମ ପୁଲିସ ଅଭିଯୁକ୍ତକୁ ଗିରଫ କରିଛି। ଗିରଫ ବ୍ୟକ୍ତିଙ୍କ ନାମ ମନମୋହନ। ପୁଲିସ ମନମୋହନଙ୍କୁ ଗିରଫ କରିବା ସହ କାର୍ରୁ ଚୋରି ହୋଇଥିବା ଫୁଲକୁଣ୍ଡ ଜବତ କରିଛି। କାରଟି ହରିୟାଣାର ହିସାରରୁ ପଞ୍ଜୀକୃତ ହୋଇଛି ଏବଂ ଅଭିଯୁକ୍ତ ଗୁରୁଗ୍ରାମର ବାସିନ୍ଦା ବୋଲି ଜଣାପଡ଼ିଛି। ଜି-୨୦ ସମ୍ମିଳନୀରେ ସହରକୁ ସଜାଇବା ପାଇଁ ଏହି ଫୁଲକୁଣ୍ଡଗୁଡ଼ିକୁ ରଖାଯାଇଥିଲା। ଚୋରର ବିଳାସପୂର୍ଣ୍ଣ କାର୍ର ନମ୍ବର ମଧ୍ୟ ଭିଆଇପି। ଚୋରିର ଭିଡିଓ ଭାଇରାଲ ହେବା ପରେ ଜିଏମଡିଏ ପୁଲିସ ନିକଟରେ ଅଭିଯୋଗ କରିଥିଲେ।
गुरुग्राम NH-48 पर सजावट के लिए रखे गए फूलों के गमलों को चोरी करने वाले आरोपी मनमोहन को गिरफ्तार कर लिया गया है तथा चोरी किए गमले व चोरी में प्रयोग गाड़ी बरामद की जा चुकी है।
— Gurugram Police (@gurgaonpolice) March 1, 2023
ସାମାଜିକ ଗଣମାଧ୍ୟମରେ ଭାଇରାଲ୍ ହୋଇଥିବା ଭିଡିଓ ଗୁରୁଗ୍ରାମ ସ୍ଥିତ ଶଙ୍କର ଚୌକ୍ର। ଏଥିରେ ଦେଖିବାକୁ ମିଳିଛି ଯେ, ଏକ କାର୍ ଆସି ଅଟକୁଛି। କାର୍ରୁ ୨ଜଣ ବ୍ୟକ୍ତି ଓହ୍ଲାଉଛନ୍ତି। ଛକଗୁଡ଼ିକରେ ସଜାଇବା ପାଇଁ ରଖାଯାଇଥିବା ସ୍ୱତନ୍ତ୍ର ପ୍ରକାରର ଫୁଲକୁଣ୍ଡଗୁଡ଼ିକୁ ଉଠାଇ କାର ଡିକିରେ ରଖିବାକୁ ଲାଗୁଛନ୍ତି।
ହରିୟାଣା ବିଜେପି ମୁଖପାତ୍ର ରମନ ମଲିକ ଏହି ଭିଡିଓ ଶେୟାର କରିଥିଲେ। ସେ ଗୁରୁଗ୍ରାମ ପୁଲିସ-ପ୍ରଶାସନ ଏବଂ ହରିୟାଣା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ଏହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିବେଦନ କରିଛନ୍ତି। ମଲିକ ଲେଖିଛନ୍ତି, ‘‘ଏହି ବ୍ୟକ୍ତି ୪୦ ଲକ୍ଷ ଟଙ୍କାର କାରରେ ଆସିଲା ଏବଂ ଜି -୨୦ ସମ୍ମିଳନୀ ପାଇଁ ଅଣାଯାଇଥିବା ପ୍ଲାଣ୍ଟ ଚୋରି କରୁଛି। ଦିନ ଦ୍ବିପ୍ରହରରେ ଫୁଲକୁଣ୍ଡ ଚୋରି ଅତ୍ୟନ୍ତ ଲଜ୍ଜାଜନକ।’’
Comments are closed.