ଗୁରୁଡିଝାଟିଆ: କୁମାରପୁର ପଞ୍ଚାୟତର କଣ୍ଟାଣିଆ ଗ୍ରାମରେ ମେଣ୍ଢାମୃତ୍ୟୁକୁ ନେଇ କୁକୁରକୁ ବିଷଦେଇ ହତ୍ୟାକରିବା ଘଟଣାରେ ଗ୍ରାମବାସୀ ଗୁରୁଡିଝାଟିଆ ଥାନାରେ ଲିଖିତ ଅଭିଯୋଗ କରିଛନ୍ତି। ପ୍ରକାଶଯୋଗ୍ୟ ଗତକାଲି ରାତିରେ ଗ୍ରାମର ଶରତ ବେହେରାଙ୍କ ୧୦ ରୁ ଅଧିକ ମେଣ୍ଢାଙ୍କ ମୃତ୍ୟୁ ହୋଇଥିଲା। ଗାଁର ବୁଲାକୁକୁର ମେଣ୍ଢାମୃତ୍ୟୁର କାରଣ ବୋଲି ସନ୍ଦେହ କରି ଶ୍ରୀ ବେହେରା କୁକୁରଙ୍କୁ ଖାଦ୍ୟରେ ବିଷ ଦେଇଥିବାର ଗ୍ରାମବାସୀମାନେ ଅଭିଯୋଗ କରିଛନ୍ତି। ବିଷ ପ୍ରକିୟାର ପ୍ରଭାବରେ ଗୋଟିଏ କୁକୁର ମୃତ୍ୟୁବରଣ କରିଥିବା ବେଳେ ୫ରୁ ଅଧିକ କୁକୁର ସଂକଟାପନ୍ନ ଅବସ୍ଥାରେ ରହିଛନ୍ତି। ଥାନା ଅଧିକାରୀ ରଞ୍ଜନ କୁମାର ପ୍ରଧାନ ଏହି ଘଟଣାରେ ଏକ ମାମଲା ରୁଜୁ କରି ତଦନ୍ତ ଜାରି ରଖିଥିବାର ଗଣମାଧ୍ୟମକୁ କହିଛନ୍ତି।
Comments are closed.