ଜି.ଊଦୟଗିରି,- ଜି ଉଦୟଗିରି ବ୍ଳକ ତ ନିଲୁଙ୍ଗିଆ ନିକଟରେ ଦୁଇଟି ବାଇକ ମଧ୍ୟରେ ମୁହାମୁହିଁ ଧକ୍କା । ଏହି ଦୁର୍ଘଟଣାରେ ଜଣକର ମୃତ୍ୟୁ ହୋଇଥିବା ଜଣାପଡିଛି ।
ଶୁକ୍ରବାର ସନ୍ଧ୍ୟାରେ ଗେ ନୁଆଁଗା ବ୍ଳକ ବିରନ୍ଦାପଡା ଗ୍ରାମର ଚିତରଞ୍ଜନ ପ୍ରଧାନ ଓ ଜି.ଉଦୟଗିରି ବ୍ଳକ କତିଙ୍ଗିଆ ଗ୍ରାମର ବୈକୁଣ୍ଠ ପ୍ରଧାନ ଜି.ଉଦୟଗିରି ଆଡକୁ ଆସୁଥିବା ବେଳେ ବିପରୀତ ପଟୁ ଅନ୍ୟ ଏକ ବାଇକ ଯୋଗେ ରାଜୀବ ପାତ୍ର ଓ ଜ୍ଞାନଚନ୍ଦ୍ର ପ୍ରଧାନ ତାଙ୍କ ସହ ଧକ୍କା ହୋଇଥିଲା । ଫଳରେ ଉଭୟ ଗାଡିର ଥିବା ୪ ଜଣ ରାସ୍ତା ଉପରେ ଛିଟିକି ପଡିଥିଲେ। ଖବରପାଇ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ସମସ୍ତ ଆହତଙ୍କୁ ଜି.ଉଦୟଗିରି ଡାକ୍ତରଖାନାରେ ଭର୍ତ୍ତି କରିଥିଲା ।
- Advertisement -
ଡାକ୍ତରଖାନାରେ, ଡାକ୍ତର ବୈକୁଣ୍ଠ ପ୍ରଧାନଙ୍କୁ ମୃତ ଘୋଷଣା କରିଥିବା ବେଳେ ଅନ୍ୟ ୩ ଜଣ ଚିକିତ୍ସିତ ହେଉଥିବା ସୂଚନା ମିଳିଛି । ଖବରପାଇ ଜି.ଉଦୟଗିରି ପୁଲିସ ଘଟଣା ସ୍ଥଳରେ ପହଞ୍ଚି ଉଭୟ ବାଇକକୁ ଜବତ କରିଛି ।
