ଗୁଡଭେଲା: ତୁଷୁରା ହାଇସ୍କୁଲ ପଡିଆରେ ଅନୁଷ୍ଠିତ ତୁଷୁରା ପ୍ରିମିର ଲିଗ୍ ଉଦଯାପିତ ହୋଇଯାଇଛି ।ଗତ ୮ ତାରିଖରୁ ଅନୁଷ୍ଠିତ କ୍ରିକେଟ ପ୍ରତିଯୋଗିତାରେ ୬ଟି ଦଳ ଭାଗ ନେଇଥିଲେ ।ଫାଇନାଲ ମ୍ୟାଚରେ ଆର୍କେ ଜେନେସିସ ଓ ଏସଏସ କିଙ୍ଗ ମଧ୍ୟରେ ଅନୁଷ୍ଠିତ ହୋଇଥିଲା । ନିର୍ଦ୍ଧାରିତ ଓଭରରେ ଆର୍କେ ଜେନେସିସ ୭୫ ରନ୍ ସଂଗ୍ରହ କରିଥିଲା । ଏହା ଜବାବରେ ଏସଏସ ଦଳ ୫ ଇଉକେଟରେ ବିଜୟ ହୋଇ ଚମ୍ପିୟାନ ଘୋଷିତ ହୋଇଥିଲା। ଉଦଯାପିତ ଉତ୍ସବରେ ଭାରତୀୟ ମହିଳା କ୍ରିକେଟର୍ ରୋଶନାରା ପରବିନ ଓ ମାଧୁରି ମେହେଟା ଅତିଥି ଭାବରେ ଯୋଗଦେଇ ଖେଳାଳିଙ୍କୁ ପୁରସ୍କୃତ କରିଥିଲେ । ସମ୍ମାନିତ ଅତିଥି ଭାବରେ ଅଭିନେତା ରତନ୍ ମେହେର,ଅଶୋକ ମେହେର ଓ ଯଶୋବନ୍ତ ସିଂହ ଯୋଗ ଦେଇଥିଲେ ।
ଏହା ସହ ପ୍ରିମିୟର ଲିଗର ଅଧ୍ୟକ୍ଷ ଦୀନଦୟାଳ କେଡିଆ,ଉପାଧ୍ୟକ୍ଷ ପଦମ କେଡିଆ, ଉପଦେଷ୍ଟା ସୁରେଶ ଚନ୍ଦ୍ର ସାହୁ, କୋଷାଧ୍ୟକ୍ଷ ବିକାଶ ଜୈନ ମଞ୍ଚାସିନ ହୋଇଥିଲେ । ସୁରେନ୍ଦ୍ର ସୁନା, ମୁନୁ ଭୋଇ, ସ୍ଵାଗତ ସାହୁ, ସରୋଜ ବାଗ, ହନିଫ ମହମ୍ମଦ, ବିମଳ ଜୈନ ଓ ଟୁକୁ ମିଶ୍ର ଖେଳ ପରିଚାଳନା କରିଥିଲେ ।
Comments are closed.