ଭିଟାମିନ୍ ସିରେ ଭରପୁର ପିଜୁଳିରେ ଅନେକ ଆଣ୍ଟି ଅକ୍ସିଡାଣ୍ଟ ରହିଛି। ଯାହା ରୋଗ ପ୍ରତିରୋଧକ ଶକ୍ତିକୁ ମଜଭୂତ କରିଥାଏ। ଶୀତଦିନେ ରୋଗରୁ ରକ୍ଷା ପାଇବା ପାଇଁ ଡାକ୍ତର ପିଜୁଳି ଖାଇବାକୁ ପରାମର୍ଶ ଦେଇଥାଆନ୍ତି। ତେବେ ପିଜୁଳି ଖାଇବାକୁ ଏଭଳି କେତେକ ଉପାୟ ବିଷୟରେ ଜାଣନ୍ତୁ, ଯେଉଁ ଉପାୟରେ ପିଜୁଳି ସେବନ କରି ଅନେକ ରୋଗରୁ ରକ୍ଷା ପାଇପାରିବେ।
ଘରେ ସିଝା ପିଜୁଳି ଚାଟ୍ ତିଆରି କରିପାରିବେ।
ଆବଶ୍ୟକୀୟ ସାମଗ୍ରୀ
ପାଚିଲା ପିଜୁଳି – ୨ଟି
ଚିନି ଅଳ୍ପ
ପାଣି – ଅଳ୍ପ
ଗୋଲମରିଚ ଗୁଣ୍ଡ
ଚାଟ୍ ମସଲା – ସାମାନ୍ୟ
ଲେମ୍ବୁ – ଛୋଟ ଖଣ୍ଡ
ଲୁଣ
ପ୍ରଥମେ ପିଜୁଳିକୁ ଧୋଇ ଏହାକୁ ଛୋଟ ଛୋଟ ଖଣ୍ଡ କରି କାଟି ଦିଅନ୍ତୁ। ଗ୍ୟାସରେ ଏକ ପାତ୍ରରେ ପାଣି ନିଅନ୍ତୁ। ଏଥିରେ ପିଜୁଳି ସହ ଅଳ୍ପ ଚିନି ପକାନ୍ତୁ। ଏହାପରେ ପିଜୁଳି ନରମ ହେବା ପରେ ଏହାକୁ ଏକ ପାତ୍ରକୁ କାଢି ଅଳ୍ପ ଗୋଲମରିଚ ଗୁଣ୍ଡ ଓ ଲେମ୍ବୁ ରସ, ଚାଟ୍ ମସଲା, ସାମାନ୍ୟ ଲୁଣ ପକାଇ ଦିଅନ୍ତୁ। ପ୍ରସ୍ତୁତ ହୋଇଗଲା ସିଝା ପିଜୁଳି ଚାଟ୍।
Comments are closed.