ଡେସ୍କ: ୟୁକ୍ରେନକୁ ଭାରତର ପ୍ରତିରକ୍ଷା ରପ୍ତାନିକୁ ହଡ଼ପ କରାଯାଉଥିବା ଖବରକୁ ଗୁରୁବାର ବୈଦେଶିକ ବ୍ୟାପାର ମନ୍ତ୍ରଣାଳୟ ଖଣ୍ଡନ କରିବା ସହ ଏହାକୁ କଳ୍ପନାତ୍ମକ ଏବଂ ବିଭ୍ରାନ୍ତିକର ବୋଲି କହିଛି। ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି, ଆମେ ରଏଟର୍ସ ରିପୋର୍ଟ ଦେଖିଛୁ। ଏହା କଳ୍ପନାତ୍ମକ ଓ ବିଭ୍ରାନ୍ତିକର। ମନ୍ତ୍ରଣାଳୟ ଆହୁରି ମଧ୍ୟ କହିଛି ଯେ ଅନ୍ତର୍ଜାତୀୟ ପ୍ରତିଶ୍ରୁତି ପାଳନ କରିବାରେ ଭାରତର ରେକର୍ଡ ରହିଛି।
ମନ୍ତ୍ରାଳୟ କହିଛି, ସାମରିକ ଏବଂ ବ୍ୟବହୃତ ସାମଗ୍ରୀର ରପ୍ତାନି ଉପରେ ଅନ୍ତର୍ଜାତୀୟ ଦାୟିତ୍ୱ ପାଳନ କରିବାରେ ଭାରତର ଏକ ନିଖୁଣ ଟ୍ରାକ୍ ରେକର୍ଡ ରହିଛି। ଗୁରୁବାର ରଏଟର୍ସର ଏକ ରିପୋର୍ଟ ଅନୁଯାୟୀ, ଭାରତୀୟ ପ୍ରତିରକ୍ଷା ନିର୍ମାତାମାନେ ବିକ୍ରି କରୁଥିବା ଆର୍ଟିଲାରି ସେଲ୍ ଗୁଡ଼ିକୁ ୟୁକ୍ରେନକୁ ସ୍ଥାନାନ୍ତର କରାଯାଇଛି। ରିପୋର୍ଟ ଅନୁଯାୟୀ, ପ୍ରତିରକ୍ଷା ରପ୍ତାନି ହସ୍ତାନ୍ତର ଏକ ବର୍ଷରୁ ଅଧିକ ସମୟ ଧରି ଚାଲିଛି। ଜୁଲାଇ ମାସରେ ଭାରତର ବୈଦେଶିକ ମନ୍ତ୍ରୀ ଏସ. ଜୟଶଙ୍କର ଏବଂ ରୁଷିଆର ପ୍ରତିପକ୍ଷ ସର୍ଗେଇ ଲାଭରୋଭଙ୍କ ମଧ୍ୟରେ ହୋଇଥିବା ବୈଠକରେ ରୁଷ୍ ଏହି ପ୍ରସଙ୍ଗକୁ ଦୁଇଥର ଉତଥାପନ କରିସାରିଛି।
ସରକାରୀ ତଥ୍ୟ ଅନୁଯାୟୀ, ଆର୍ଥିକ ବର୍ଷ ୨୦୨୪ରେ ଭାରତର ସାମଗ୍ରିକ ପ୍ରତିରକ୍ଷା ରପ୍ତାନି ୨୧ ହଜାର ୮୩ କୋଟିରେ ପହଞ୍ଚିଛି, ଯାହା ଆର୍ଥିକ ବର୍ଷ ୨୦୨୩ରେ ୧୫ ହଜାର ୯୨୦ କୋଟି ତୁଳନାରେ ୩୨.୫% ଅଧିକ। ଗତ ୧୦ ବର୍ଷ ମଧ୍ୟରେ ପ୍ରତିରକ୍ଷା ରପ୍ତାନି ୩୧ ଗୁଣ ବୃଦ୍ଧି ପାଇଛି।
Comments are closed.