ମିଆଁମାର: ରହସ୍ୟମୟ ପୃଥିବୀ । ପ୍ରକୃତିର କୋଳରେ ଆଜି ବି ଅନେକ କଥା ରହସ୍ୟ ହୋଇ ରହିଯାଇଛି । ବିଜ୍ଞାନ ଯେତେ ଆଗକୁ ଗଲେ ମଧ୍ୟ ତାର ତଥ୍ୟକୁ ଖୋଜି ପାଇପାରିନାହିଁ । ସେମିତି ଏକ ରହସ୍ୟମୟ ଘଟଣା ଦେଖିବାକୁ ମିଳିଛି ମିଆଁମାରରେ ।
ଯାହାର କାହାଣୀ ଶୁଣିଲେ ଆପଣ ନିଶ୍ଚୟ ଆଶ୍ଚର୍ଯ୍ୟ ହୋଇଯିବେ । ଆପଣ ଦେଖୁଥିବା ଏହି ସୁନ୍ଦର ପଥର ଏମିତି ସେମିତି ପଥର ନୁହେଁ, ଏହାକୁ ନେଇ ରହିଛି ଅନେକ କିଛି କଥା । ଭୂମି ଠାରୁ ପ୍ରାୟ ୧୧ଶହ ମିଟର ଉଚ୍ଚରେ ରହିଛି ଏହି ଭାରି ସୁବର୍ଣ୍ଣ ପଥର । ଯାହାକୁ ‘ଗୋଲଡେନ୍ ରକ୍’ ବୋଲି କୁହାଯାଏ । ଏହି ପଥର ଗୋଟିଏ ଖାଲ ଉପରେ ରହିଛି ।
ଯାହା କୌଣସି ଆଡ଼କୁ ଢଳେ ନାହିଁ । ‘ଗୋଲଡେନ୍ ରକ୍’ ସହ ଭଗବାନ ବୌଦ୍ଧଙ୍କ କିଛି ସମ୍ପର୍କ ଥିବା ମଧ୍ୟ କୁହାଯାଏ । ଐତିହାସିକ ତଥ୍ୟ ଅନୁସାରେ ଏହି ପଥର ଭଗବାନ ବୌଦ୍ଧଙ୍କ କେଶ ଉପରେ ରହିଥାଏ ବୋଲି ବିଶ୍ୱାସ ରହିଛି । ଯାହାକୁ ଏକାଦଶ ଶତାବ୍ଦୀରେ ଜଣେ ବୌଦ୍ଧ ଭିକ୍ଷୁ ଏକ ଖାଲରେ ରଖିଥିଲେ । ସେବେଠାରୁ ଏହି ପଥର କେବେ କୌଣସି ସ୍ଥାନକୁ ଘୁଞ୍ଚିନାହିଁ । କି କେହି ଘୁଞ୍ଚାଇ ପାରିନାହାନ୍ତି ।
ହେଲେ କୁହାଯାଏ କେବଳ ଏହି ପଥରକୁ ଅନ୍ୟସ୍ଥାନକୁ ଜଣେ ମହିଳା ଘୁଞ୍ଚାଇପାରିବେ । ତେଣୁ ଏହାକୁ ଛୁଇଁବାକୁ ମହିଳାମାନଙ୍କୁ ଅନୁମତି ଦିଆଯାଇନାହିଁ | କେବଳ ମହିଳାମାନେ ଏହି ପଥରକୁ ଦୂରରୁ ଦେଖିବାକୁ ଅନୁମତି ରହିଛି ।
