ପାଟଣା : କେନ୍ଦୁଝର ଜିଲ୍ଲା ପାଟଣା ରେଞ୍ଜର ବିଭିନ୍ନ ସ୍ଥାନରେ ଏବେ ନିଆଁ ଲାଗୁଥିବା ଦେଖାଯାଇଛି। ଏପରିକି ଅନେକ ସ୍ଥାନରେ ଅଗ୍ନିକାଣ୍ଡ ଘଟି ଅନେକ ଜଙ୍ଗଲ ମଧ୍ୟ ଜଳି ଯାଉଛି । ବିଭିନ୍ନ ସ୍ଥାନରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ କରୁଥିବା ଘଟଣା ନଜରକୁ ଆସୁଛି । ଏବେ ଜଙ୍ଗଲରେ ଶୁଖିଲା ପତ୍ର ପଡିଥିବା କାରଣରୁ ଦୁବୃର୍ତ୍ତ ମାନେ ଜଙ୍ଗଲରେ ନିଆଁ ଲଗାଇ ଦେଉଛନ୍ତି। ଫଳରେ ଅନେକ ସ୍ଥାନରେ ଜଙ୍ଗଲ ଜଳି ଯାଉଛି । ଆଜି ସରାସପଶି ସମେତ କପୁଣ୍ଡି, ସରାସକୋଲା, କାଠବାରୀ ଓ ପୋଇପାଣି ଜଙ୍ଗଲରେ ନିଆଁ ଲାଗିଥିବା ବେଳେ ଖବର ପାଇ ପାଟଣା ଅଗ୍ନିଶମ କେନ୍ଦ୍ରାଧିକାରୀ ମନୋରଞ୍ଜନ ମହାନ୍ତଙ୍କ ନେତୃତ୍ୱରେ ଅଗ୍ନିଶମ ବାହିନୀ ଏହି ସବୁ ସ୍ଥାନରେ ପହଞ୍ଚି ନିଆଁକୁ ଆୟତ୍ତ କରିଥିବା ଦେଖାଯାଇଛି। ତେବେ ସରାସପଶି ଆକାଶିଆ ଓ ୟୁକାଲିପଟାସ ଜଙ୍ଗଲରେ ଅଗ୍ନିକାଣ୍ଡ ରେ ବହୁ ଗଛ ପୋଡ଼ି ନଷ୍ଟ ହୋଇଯାଇଥିବା ଜଣାପଡ଼ିଛି । ସେହିପରି ପୋଇପାଣିରେ ଘର ପାଖରେ ଥିବା ଏକ ବଡ଼ ଶାଳ ଗଛରେ ନିଆଁ ଲାଗି ଯାଇଥିବା ବେଳେ ଅଗ୍ନିଶମ ବାହିନୀ ପହଞ୍ଚି ନିଆଁ ଲିଭାଇଛି।
Comments are closed.