ପାଟଣା : ଘଟଗାଁ ବ୍ଲକ ରୁଟିଶିଳା ଯୁବ ଫୁଟବଲ ଆସୋସିଏସନ ପକ୍ଷରୁ ଅନୁଷ୍ଠିତ ୨୪ ତମ ବାର୍ଷିକ ଫୁଟବଲ ପ୍ରତିଯୋଗିତାରେ କଟକର ଗାଭାସ୍କର ଏଫସି ଚମ୍ପିୟାନ ହୋଇଛି । ସେହିପରି ହାତୀନୋଟାର ଜଗା ବଳିଆ ଏଫସି ରନର୍ସ ଅପ ହୋଇଥିବାବେଳେ ତୃତୀୟ ସ୍ଥାନରେ ଗଙ୍ଗାମାତା ଏଫ୍ ସି ଓ ଚତୁର୍ଥ ସ୍ଥାନରେ ଆଦିତ୍ୟ ଏଫସିଙ୍କୁ ସନ୍ତୁଷ୍ଟ ହେବାକୁ ପଡିଛି । ପ୍ରତିଯୋଗିତାରେ ୩୭ ଟି ଦଳ ଅଂଶ ଗ୍ରହଣ କରିଥିଲେ । ଉଦଯାପନ ଉତ୍ସବରେ ମୁଖ୍ୟ ଅତିଥି ଭାବେ ଘଷିପୁରା ବିଧାୟକ ବଦ୍ରିନାରାୟଣ ପାତ୍ର, ସମ୍ମାନିତ ଅତିଥି ଭାବେ ଜିଲା ପରିଷଦ ସଦସ୍ୟା ଯାଜ୍ଞସେନି ମହାନ୍ତ , ଯୁବନେତା ଏସ କେ ଇମରାନ, ମୁଖ୍ୟବକ୍ତା ଭାବେ ଦୂର୍ଯୋଧନ ବାରିକ ଓ ସମ୍ମାନିତ ଅତିଥି ଭାବେ ଯଦୁମଣି ନାଏକ ପ୍ରମୁଖ ଯୋଗ ଦେଇଥିଲେ । ଭାଷ୍ୟକାର ଭାବେ ଚୁଲବୁଲ ଆପଟ୍ଟ ଓ କୁନାଲ ପଣ୍ଡା ଦାୟିତ୍ଵ ତୁଲାଇଥିଲେ ଅଭିନେତ୍ରୀ ମାନିନୀ ଉଦଯାପନ ଉତ୍ସବରେ ମୁଖ୍ୟ ଆକର୍ଷଣ ଥିଲେ । ସରପଞ୍ଚ ଗତିକୃଷ୍ଣ ନାଏକ ଓ ସମିତି ସଭ୍ୟ କୈବଲ୍ୟ ନାଏକ ପୁରସ୍କାର ବିତରଣ ସଭାରେ ଯୋଗ ଦେଇଥିଲେ । ଚାମ୍ପିଅନ ଦଳକୁ ଟ୍ରଫି ଓ ୮୦ ହଜାର ଟଙ୍କା , ରନର୍ସ ଅପ୍ ଦଳକୁ ଟ୍ରଫି ଓ ୬୦ ହଜାର ଟଙ୍କା , ତୃତୀୟ ଓ ଚତୁର୍ଥ ଦଳକୁ ଟ୍ରଫି ସହ ୨୫ ହଜାର ଟଙ୍କା ଲେଖାଏଁ ପୁରସ୍କାର ପ୍ରଦାନ କରାଯାଇଥିଲା।
Comments are closed.