ପୁରୀ: ଗତ କିଛି ଦିନ ହେବ ସାରା ରାଜ୍ୟରେ ଲଗାଣ ବର୍ଷା ଜାରି ରହିଥିଲା। ଅନେକ ସ୍ଥାନରେ ଘର ଭିତରେ ପାଣି ପଶିବା ସହ ରାସ୍ତା ଘାଟରେ ମଧ୍ୟରେ ଆଣ୍ଠୁଏ ଆଣ୍ଠୁଏ ପାଣି ଜମିଥିଲା। ଲଗାଣ ବର୍ଷା ଜନଜୀବନକୁ ପୁରା ଅସ୍ତବ୍ୟସ୍ତ କରି ପକାଇଥିଲା। ଯୁଆଡେ ଦେଖ ଖାଲି ପାଣି ଆଉ ପାଣି। ପାଣିରେ ବୁଡିଛି ଚାଷ ଜମି ଏବଂ ବର୍ଷକର ଫସଲ। ପୁରୀ ଜିଲ୍ଲା କଣାସ ବ୍ଲକ ତଳିଆ ଅଞ୍ଚଳରେ ଏଭଳି ସ୍ଥିତି ଉପୁଜିଛି। ଦୟା ନଦୀର ପାଣି ଦୋକନ୍ଦା, ଗଡସାନପୁଟ , ଗଡବଡପୁଟ ଏବଂ ଅଡାଲ ପଞ୍ଚାୟତରେ ବ୍ୟାପକ ଫସଲ କ୍ଷୟକ୍ଷତି ଘଟାଇଛି। ନଦୀକୂଳିଆ ଚାଷଜମି ଜଳମଗ୍ନ ହୋଇଛି। ନଦୀର ଜଳସ୍ତର ସ୍ଥିର ରହିଥିବାବେଳେ ଏହି ବନ୍ୟାଜଳରେ ପନିପରିବା ଗଛ ବୁଡିଯାଇଛି। ଏଠାକାର ଚାଷୀମାନେ ବାଇଗଣ, ଜହ୍ନି , କାକୁଡି, କଲରା, ଭେଣ୍ଡି , ଲଙ୍କା, କଖାରୁ ଭଳି ପନିପରିବା ଚାଷ କରିଥିଲେ। ହେଲେ ହଠାତ୍ ପାଣି ବଢିବା ପରେ ବେକେ ପାଣି ଭିତରୁ ଫସଲ ସବୁକୁ ବଞ୍ଚାଇ ଆଣିବାକୁ ସଂଘର୍ଷ କରୁଛନ୍ତି।
Popular Categories
Previous article
Next article