ସମାଜ ଡିଜିଟାଲ ଡେସ୍କ: ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ବିହାର ମୁଖ୍ୟମନ୍ତ୍ରୀ ନିତିଶ କୁମାରଙ୍କୁ ଦେଶର ସର୍ବୋଚ୍ଚ ସମ୍ମାନ ଭାରତରତ୍ନ ଦିଆଯାଉଛି। ଏମିତି ଦାବି ଉଠାଇଛନ୍ତି ବେଗୁସରାଇ ସାଂସଦ ତଥା କେନ୍ଦ୍ରମନ୍ତ୍ରୀ ଗିରିରାଜ ସିଂହ। ନିଜ ନିର୍ବାଚନମଣ୍ଡଳୀରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ଗିରିରାଜ ଏପରି ମନ୍ତବ୍ୟ ଦେଇଛନ୍ତି। ଏହାକୁ ନେଇ ଏବେ ଜାତୀୟ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି।
ଗିରିରାଜ କହିଥିଲେ, ଆଜି ଯେଉଁ ପିଲାମାନେ ୩୦ ବର୍ଷର ହୋଇଗଲେଣି ସେମାନେ ଲାଲୁଙ୍କ ଜଙ୍ଗଲରାଜ, ସତେବେଳର ଡାକ୍ତରଖାନା, ରାସ୍ତାଘାଟ, ସ୍କୁଲ କଲେଜ ଦେଖିନାହାନ୍ତି। ସେହି ସ୍ଥିତିକୁ ଆଜି ନିତିଶ କୁମାର ଏକ ନୂଆ ସ୍ତରକୁ ନେଇଯାଇଛନ୍ତି। ଓଡ଼ିଶାରେ ନବୀନ ପଟ୍ଟନାୟକ ବି ବହୁତ ବର୍ଷ ଧରି ରାଜ୍ୟର ସେବା କରିଛନ୍ତି। ଏମିତି ବ୍ୟକ୍ତିତ୍ଵମାନଙ୍କୁ ପୁରସ୍କୃତ କରିବାର ଆବଶ୍ୟକତା ରହିଛି। ଭାରତରତ୍ନ ଭଳି ପୁରସ୍କାରରେ ଏମାନଙ୍କୁ ସମ୍ମାନିତ କରିବା ଦରକାର ବୋଲି ଗିରିରାଜ କହିଥିଲେ।
Comments are closed.