ନୂଆଦିଲ୍ଲୀ : ଯଦି ଆପଣ ଗାଡି ଚଳାଇବା ସମୟରେ ଆମ୍ବୁଲାନ୍ସକୁ ନିଜ ଗାଡି ଆଖପାଖରେ ଦେଖୁଛନ୍ତି ଏବଂ ରାସ୍ତା ଦେଉନାହାଁନ୍ତି ତେବେ ଆପଣଙ୍କ ଗାଡିର ଭାରୀ ଚାଲାଣ କଟିପାରେ । ଏହି ନିୟମ ଏଥିପାଇଁ କରାଯାଇଛି କାରଣ ଆମ୍ବୁଲାନ୍ସରେ ଗୁରୁତର ରୋଗୀ ଯାତ୍ରା କରୁଥାଇପାରନ୍ତି ଏବଂ ଚିକିତ୍ସାରେ ବିଳମ୍ବ ଯୋଗୁଁ ଅଘଟଣ ଘଟିପାରେ ।
ମୋଟର ବାହନ ଅଧିନିୟମ ଅନୁସାରେ ଆମ୍ବୁଲାନ୍ସକୁ ରାସ୍ତା ଦେବା ଜରୁରି । ଯଦି କୌଣସି ବ୍ୟକ୍ତି ଜାଣିଶୁଣି ଆମ୍ବୁଲାନ୍ସକୁ ରାସ୍ତା ଦେଉନି କିମ୍ବା ରୋକିବାକୁ ପ୍ରୟାସ କରୁଛି ତା ଉପରେ ଭାରୀ ଜୋରିମାନା ଲଗାଯାଇପାରେ । ଏଭଳି ଭୁଲ୍ ପାଇଁ ୧୦ ହଜାର ଟଙ୍କା ପର୍ଯ୍ୟନ୍ତ ଚାଲାଣ କଟାଯାଇପାରେ । ଏପରିକି ୬ ମାସ ପର୍ଯ୍ୟନ୍ତ ଜେଲ୍ ଦଣ୍ଡ ମଧ୍ୟ ହୋଇପାରେ । ତେଣୁ ଯାତ୍ରା ସମୟରେ ଆପଣ ଯେବେ ପଛରୁ ଆମ୍ବୁଲାନ୍ସର ସାଇରନ୍ ଶୁଣିବେ ତୁରନ୍ତ ରାସ୍ତା ଦେଇଦେବେ ଏବଂ ଆମ୍ବୁଲାନ୍ସକୁ ଯିବାକୁ ଦେବେ । ଧ୍ୟାନ ରଖନ୍ତୁ ଏହା କେବଳ ଏକ ନିୟମ ନୁହେଁ, ବରଂ ଆମ କର୍ତ୍ତବ୍ୟ ମଧ୍ୟ ।
