ରାଇକିଆ: ପ୍ରଭୁ ଯୀଶୁଖ୍ରୀଷ୍ଟ ଧରାବତରଣ ନେଇ ଖ୍ରୀଷ୍ଟ ଧର୍ମାବଲାମ୍ବୀଙ୍କ ମଧ୍ୟରେ ଖୁସି ଲହରୀ ଖେଲାଇଦେଛି।କାଥଲିକ୍ ଚର୍ଚ୍ଚରେ ଆଜି ୧୦ରେ ଏକ ସ୍ଵତନ୍ତ୍ର ଦିବ୍ୟଯଜ୍ଞର ଆୟୋଜନ କରାଯାଇଛି। ମୂଖ୍ୟ ଧର୍ମ ଯାଜକ ପ୍ରୋଦଷ ନାୟକ, ଯାଜକ ମଦନ ସ୍ଵାଲ ସିଂ ଯୋଗ ଦେଇ ପବିତ୍ର ବାଇବଲ ପଠନ କରି ପର୍ବର ମହତ୍ବ ବିଷୟରେ ପ୍ରଚାର ସହ ସାମୁହିକ ପ୍ରାର୍ଥନା କରାଯାଇ ଥିଲା। ସହ ଯାଜକ ପୁରୁଷୋତ୍ତମ ନାୟକ, ଯାଜକ ଜେରମ ନାୟକ ସହଯୋଗ କରିଥିଲେ।
ଖ୍ରୀଷ୍ଟ ବଶ୍ବାସୀ ସେମାନଙ୍କ ବିଭିନ୍ନ ଉଦ୍ଦେଶ୍ୟ ପୂରଣ ପାଇଁ ମନସିକ ରଖି ପ୍ରଭୁଙ୍କୁ ମହମବତୀ, ଧୂପ, ଦୀପ, ଫଳ ଭେଟି ଅର୍ପଣ କରିଥିଲେ। ସେହିପରି ରାଇକିଆ ସରପଞ୍ଚ ଗୀତାଞ୍ଜଳୀ ନାୟକ ବିଶ୍ବାସୀଙ୍କୁ ଖ୍ରୀଷ୍ଟ ମାସ କେକ୍ ପ୍ରଦାନ ଦେଇଥିଲେ। ଆଜି କୋହଲା ପାଗ ସହ ବର୍ଷା ହେଉଥିଲେ ମଧ୍ୟ ବିଶ୍ଵାସଙ୍କ ମନ ଭାଙ୍ଗି ନଯାଇଥିବା ବେଳେ ଚର୍ଚ୍ଚରେ ଗହଳି ଚହଳି ହୋଇ ଉଭୟଙ୍କୁ ଶୁଭେଚ୍ଛା ଜଣାଇ ଆନନ୍ଦ ଉଲ୍ଲାସରେ ପାଳନ କରିଛନ୍ତି । ସେବା ଭଗ୍ନିଙ୍କ ଦ୍ବାରା ଚର୍ଚ୍ଚ ବେଦି ସାଜସଜ୍ଜା କରିଥିଲେ। ମଣ୍ଡଳୀ କର୍ମକର୍ତ୍ତାଙ୍କ ସହ ଯୁବ ଗୋଷ୍ଠୀ ଚର୍ଚ୍ଚ ସାଜସଜ୍ଜାରେ ସହଯୋଗ କରିଥିଲେ।
