ଅଟଳବିହାରୀ ବାଜପେୟୀଙ୍କ ଶତବାର୍ଷିକ ଜୟନ୍ତୀ

ବାସୁଦେବପୁର: ପୁର୍ବତନ ପ୍ରଧାନମନ୍ତ୍ରୀ ତଥା ଭାରତରତ୍ନ ସ୍ୱର୍ଗତ ଅଟଳବିହାରୀ ବାଜପେୟୀଙ୍କ ଶତବାର୍ଷିକ ଜନ୍ମ ଜୟନ୍ତି ବାସୁଦେବପୁର ନଗରମଣ୍ଡଳ ପକ୍ଷରୁ ପାଳିତ ହୋଇଯାଇଛି । ଏହି ଅବସରରେ ହନୁମାନବାଟିସ୍ଥିତ ଶିଶୁ ମନ୍ଦିର ପରିସରରେ ନଗରମଣ୍ଡଳ ସଭାପତି ଭଗବାନ ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ବିଧାନସଭାମଣ୍ଡଳୀ ନେତା ବାଣିକଲ୍ୟାଣ ମହାନ୍ତି,ଅଶୋକକୁମାର ସାହୁ, ପ୍ରତାପ କୁମାର ନାୟକ,ଡ ଉମାକାନ୍ତ ଖୁଣ୍ଟିଆ, ମଧୂସୁଦନ ପାଢୀ, ଆଶୁତୋଷ ସାମଲ,ବିଦ୍ୟାଧର ବେହେରା,ଟୁକୁନା ମହାନ୍ତିପ୍ରମୁଖ ଯୋଗଦେଇ ପ୍ରଦୀପପ୍ରଜ୍ଜଳନ କରିଥିଲେ ।

ଏହି ଅବସରରେ ବନ୍ଦେମାତରମ ଗାନ କରାଯିବା ସହ ସ୍ୱର୍ଗତଃ ବାଜପେୟୀଙ୍କ ଜୀବନଶୈଳୀ, ସୁସଂଗଠକ, ଦକ୍ଷନେତା, ପରୋପକାରୀ, ସ୍ୱର୍ଣ୍ଣଚତୁଃଭୁଜ ଯୋଜନା, ପରମାଣୁ କ୍ଷେତ୍ରରେ ଶତ୍ରୁମାନଙ୍କ ଦମନ ଓ ସମୃଦ୍ଧ ଭାରତ ଗଠନ ଦିଗରେ ଆଲୋକପାତ କରିଥିଲେ । ଏହି ଅବସରରେ ନଗରମଣ୍ଡଳର ବିଜେପିକର୍ମୀ ଉପସ୍ଥିତ ଥିଲେ ।