ସମାଜ ଡିଜିଟାଲ ଡେସ୍କ: ରାଜସ୍ଥାନର କୋଟାରୁ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ଜଣେ ସରକାରୀ ଅଧିକାରୀ ନିଜ ପତ୍ନୀର ସେବା ପାଇଁ ଚାକିରି ଛାଡ଼ିଦେଲେ। କିନ୍ତୁ ଏହା ପରେ ଯାହା ଘଟିଲା ତାହା ଅତ୍ୟନ୍ତ ଦୁର୍ଭାଗ୍ୟପୂର୍ଣ୍ଣ। କାରଣ ବିଦାୟ ସମ୍ବର୍ଦ୍ଧନା ସମୟରେ ସ୍ଵାମୀଙ୍କ ସାମ୍ନାରେ ଟଳି ପଡ଼ିଲେ ସ୍ତ୍ରୀ।
ଘଟଣାଟି କୋଟାର ଦାଦାବାଡ଼ି ଅଞ୍ଚଳର। ଏଠାରେ ରହୁଥିବା ଦେବେନ୍ଦ୍ର କୁମାର କେନ୍ଦ୍ରୀୟ ଗୋଦାମରେ ମ୍ୟାନେଜର ଭାବେ କାର୍ଯ୍ୟରତ ଥିଲେ। ଚାକିରି ସରିବାକୁ ଆଉ ୩ ବର୍ଷ ବାକି ଥିଲା। କିନ୍ତୁ ତାଙ୍କ ସ୍ତ୍ରୀଙ୍କ ଦେହ ଭଲ ରହୁ ନ ଥିଲା। ତେଣୁ ସେ ସ୍ତ୍ରୀଙ୍କ ସେବା କରିବା ଲାଗି ସମୟ ପୂର୍ବରୁ ସେବାରୁ ନିବୃତ୍ତ ହେବା ଲାଗି ଭିଆରଏସ ନେଇଥିଲେ। ୨ ଦିନ ତଳେ ସେ ସେବାନିବୃତ୍ତ ହୋଇଥିଲେ। ଏଥିଲାଗି ପରିବାର ପକ୍ଷରୁ ଏକ ଭୋଜି ଆୟୋଜନ କରାଯାଇଥିଲା। ଏଥିରେ ବନ୍ଧୁ ଓ ପରିବାର ଲୋକେ ସାମିଲ ହୋଇଥିଲେ। ଭୋଜି ପୂର୍ବରୁ ଦେବେନ୍ଦ୍ରଙ୍କୁ ବିଦାୟ ସମ୍ବର୍ଦ୍ଧନା ଦିଆଯାଇଥିଲା। ଏହି ସମୟରେ ଦେବେନ୍ଦ୍ର ଏବଂ ତାଙ୍କ ସ୍ତ୍ରୀଙ୍କୁ ଫୁଲମାଳ ପକାଇ ସମ୍ବର୍ଦ୍ଧିତ କରାଯାଇଥିଲା। ପରିବେଶ ଖୁସିରେ ପୂରି ଉଠୁଥିଲା। କିନ୍ତୁ ଭାଗ୍ୟର ଖେଳ ଥିଲା ଅଲଗା। ସମସ୍ତେ ଖୁସିରେ ଥିବାବେଳେ ହଠାତ ଦେବେନ୍ଦ୍ରଙ୍କ ସ୍ତ୍ରୀ ବେହୋଶ ହୋଇଯାଇ ଚୌକିରେ ବସିପଡ଼ିଥିଲେ। ତେଣୁ ପରିବାର ଲୋକେ ତୁରନ୍ତ ତାଙ୍କୁ ଡାକ୍ତରଖାନା ନେଇଯାଇଥିଲେ। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଏହି ଘଟଣା ସ୍ଥାନୀୟ ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି।
यह पीड़ादायक है!
राजस्थान के कोटा में एक व्यक्ति ने अपनी पत्नी की तबियत को देखते हुए वॉलंटरी रिटायरमेंट लिया।पति के रिटायरमेंट का जश्न चल रहा था। उसी दौरान वहां बैठी पत्नी की मौत हो गयी। pic.twitter.com/Jl6ar6rzIo
— Suresh Singh (@sureshsinghj) December 25, 2024
