ବୁର୍ଲା: ଓଡ଼ିଶାରେ ବିଜେପି ସରକାର ଗଢିବା ପଛରେ ଭାରତ ରତ୍ନ ଅଟଳ ବିହାରୀ ବାଜପେୟୀଙ୍କ ପ୍ରମୁଖ ଭୂମିକା ରହିଛି। ବାଜପେୟୀ ପ୍ରଧାନମନ୍ତ୍ରୀ ଥିବା ସମୟରେ ଓଡ଼ିଶା ପ୍ରତି ତାଙ୍କର ଅନେକ ଅବଦାନ ଥିଲା। ବୁଧବାର ବୁର୍ଲା ଗୋଲଗୁଣ୍ଡା ଛକରେ ମହାନ ଜନନେତା ତଥା ପୂର୍ବତନ ପ୍ରଧାନମନ୍ତ୍ରୀ ଭାରତ ରତ୍ନ ଅଟଳ ବିହାରୀ ବାଜପେୟୀଙ୍କ ପ୍ରତିମୂର୍ତ୍ତି ଅନାବରଣ ଅବସରରେ ଏହା କହିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ।
ସେ କହିଛନ୍ତି, ବୁର୍ଲା ସହ କଟକ ଓ ବ୍ରହ୍ମପୁରରେ ମଧ୍ୟ ତାଙ୍କର ପ୍ରତିମୂର୍ତ୍ତି ଅନାବରଣ ହୋଇଛି। ବୁର୍ଲାର ଏହି ଗୋଲଗୁଣ୍ଡା ଛକକୁ ଆଜିଠାରୁ ଅଟଳ ଛକରେ ନାମିତ କରିଥିବାରୁ ଜିଲା ପ୍ରଶାସନକୁ ଧନ୍ୟବାଦ ଦେଇଛନ୍ତି କେନ୍ଦ୍ରମନ୍ତ୍ରୀ। ଏହି ଅବସରରେ କେନ୍ଦ୍ରମନ୍ତ୍ରୀ ଅଟଳ ଉଦ୍ୟାନରେ ବୃକ୍ଷରୋପଣ ମଧ୍ୟ କରିଛନ୍ତି। କାର୍ଯ୍ୟକ୍ରମରେ ପଂଚାୟତିରାଜ ମନ୍ତ୍ରୀ ରବି ନାଏକ, ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର ପ୍ରମୁଖ ଉପସ୍ଥିତ ଥିଲେ। ପ୍ରାୟ ୧୦ ଫୁଟ ଉଚ୍ଚର ବାଜପେୟୀଙ୍କ ପ୍ରତିମୂର୍ତ୍ତି ଉଦଘାଟିତ ହୋଇଛି। ଜାତୀୟ ରାଜପଥରେ ଯାଉଥିବା ପ୍ରତେକ ବ୍ୟକ୍ତି ପ୍ରତିମୂର୍ତ୍ତିକୁ ଦେଖି ତାଙ୍କୁ ମନେପକାଇ ପାରିବେ ବୋଲି କେନ୍ଦ୍ରମନ୍ତ୍ରୀ କହିଛନ୍ତି।
