ଖଇରା: ବାଲେଶ୍ୱର ଜିଲା ଖଇରା ବ୍ଳକ୍ ଅନ୍ତର୍ଗତ ବରଦା ପଞ୍ଚାୟତର ରସୁଣା ଗାଁରେ ଭୟାବହ ଅଗ୍ନିକାଣ୍ଡ ଘଟି ୧୭ ବଖରା ଘର ଜଳିଯାଇଛି । ଏଥିରେ ୬ଟି ଗୋରୁ ଜୀବନ୍ତ ଦଗ୍ଧ ହୋଇଥିବା ଜଣାପହଡିଛି । ଖବର ପାଇ ତୁରନ୍ତ ଅଡା ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ । ଗତକାଲି ବିଳମ୍ବିତ ରାତିରେ ନିଆଁ ଲାଗିଥିବା ବେଳେ ଏହାର ପ୍ରକୃତ କାରଣ ଜଣାପଡିନାହିଁ । ନିଆଁରେ ଘର ଗୁଡିକ ଜଳି ଯାଇଥିବାରୁ ୭ଟି ପରିବାର ଛୋଟ ପିଲା ସହ ଖୋଲା ଆକାଶ ତଳେ ରାତ୍ରି ଯାପନ କରିଛନ୍ତି ।
