ଗୁରୁଡିଝାଟିଆ : ଗୁଜୁରାଟରେ ଅନୁଷ୍ଠିତ ଜାତୀୟ କ୍ରୀଡା-୨୦୨୨ରେ ଜଳକ୍ରୀଡାରେ କୃତୀତ୍ୱ ଅର୍ଜନ କରିଥିବା ଗୁରୁଡିଝାଟିଆ ଥାନା ଅନ୍ତର୍ଗତ କୋତ୍ତର ଗ୍ରାମର ଜିତେନ୍ଦ୍ର କୁମାର ବିଶ୍ୱାଳଙ୍କ ଝିଅ ସୁସ୍ମିତା ବିଶ୍ୱାଳଙ୍କୁ ଆଠଗଡ ବିକାଶ ମଞ୍ଚ ପକ୍ଷରୁ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଜଳକ୍ରୀଡା ପ୍ରତିଯୋଗୀତାରେ ଓଡିଶା ଜାତୀୟସ୍ତରରେ ୨ୟ ସ୍ଥାନ ଅଧିକାର କରି ରୌପ୍ୟ ପଦକ ହାସଲ କରିଛି । ଏହି ଦଳରେ ସୁସ୍ମିତା ସକ୍ରିୟ ଭାଗନେଇ ନିଜର କ୍ରୀଡା ଦକ୍ଷତା ପ୍ରଦର୍ଶିତ କରି ରାଜ୍ୟକୁ ଗୌରବାନ୍ୱିତ କରିବା ସହ ନିଜ ଗାଁ ପାଇଁ ମଧ୍ୟ ସୁନାମ ଆଣିଛନ୍ତି । ବିକାଶ ମଞ୍ଚର ସଭାପତି ମାନସ ବସ୍ତିଆ ସୁସ୍ମିତାର ଘରେ ପହଞ୍ଚି ଉତ୍ତରୀୟ ପୁଷ୍ପଗୁଚ୍ଛ ଦେଇ ସମ୍ମାନୀତ କରିବା ସହ ଉତ୍ସାହିତ କରିଥିଲେ। କ୍ରୀଡା କ୍ଷେତ୍ରରେ ଅଧିକ ସଫଳତା ହାସଲ କରି ଦେଶ ପାଇଁ ଗୌରବ ଆଣିବା ନିମନ୍ତେ କହିଥିଲେ ।
Comments are closed.