ଆଠଗଡ : ଆଠଗଡସ୍ଥିତ ଗୋପବନ୍ଧୁ ମହିଳା ସ୍ନାତକ କଲେଜର ଇଂରାଜୀ ସମ୍ମାନ ଶେଷ ଛାତ୍ରୀଙ୍କୁ ଶୁକ୍ରବାର ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଇଂରାଜୀ ବିଭାଗୀ ମୁଖ୍ୟ ଅଧ୍ୟାପିକା ବବିତା ସାହୁଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କଲେଜର ଅଧ୍ୟକ୍ଷା ସଂଗୀତା ମହାପାତ୍ର ବିଦାୟୀ ଛାତ୍ରୀଙ୍କର ଉଜ୍ଜଳ ଭବିଷ୍ୟତ କାମନା କରିବା ସହ ଉଚ୍ଚତର ଶିକ୍ଷାଲାଭ କରି ସମାଜରେ ନିଜକୁ ପ୍ରତିଷ୍ଠିତ କରିବା ପାଇଁ ପରାମର୍ଶ ଦେଇଥିଲେ । ନିଜର ଜ୍ଞାନ ଓ ଶିକ୍ଷାକୁ ବ୍ୟବହାର କରି ଜୀବନରେ କିପରି ଆଗକୁ ବଢି ପାରିବେ ଏବଂ ନିଜକୁ ଭଲ ମଣିଷ ଭାବେ ଗଢି ତୋଳିବେ ସେ ଦିଗରେ ପ୍ରୟାସ କରିବାକୁ ବିଭାଗୀୟ ମୁଖ୍ୟ ଶ୍ରୀମତୀ ସାହୁ ବୁଝାଇଥିଲେ। ଅନ୍ୟତମ ଅଧ୍ୟାପିକା ପ୍ରତିମା ସିଂହ ଛାତ୍ରୀମାନେ ନିଜର ଶିକ୍ଷାକୁ ଉପଯୋଗ କରି ଆତ୍ମନିର୍ଭରଶୀଳ ଓ ସ୍ୱାବଲମ୍ବୀ ହେବା ଆବଶ୍ୟକ ବୋଲି ମତବ୍ୟକ୍ତ କରିଥିଲେ । ୨ୟ ବର୍ଷର ଛାତ୍ରୀ ପ୍ରଜ୍ଞାରାଣୀ ପରିଡା ସ୍ୱାଗତ ଭାଷଣ ଦେଇଥିବା ବେଳେ ପ୍ରଥମ ବର୍ଷର ଛାତ୍ରୀ ସାଗରିକା ଗୋଚ୍ଛାୟତ ଧନ୍ୟବାଦ ଅର୍ପଣ କରିଥିଲେ । ସର୍ବଶ୍ରେଷ୍ଠ ପାଠଚକ୍ର ସଂପାଦିକା ଭାବେ ଶେଷ ବର୍ଷର ଛାତ୍ରୀ ସ୍ନେହାଶ୍ରୀ ସ୍ୱାଇଁଙ୍କୁ ସମ୍ମାନିତ କରାଯାଇଥିଲା।
Popular Categories
Previous article
Next article