ନ୍ୟୁୟର୍କ- ବିଶ୍ୱର ସବୁଠାରୁ ଲୋକପ୍ରିୟ ସାମାଜିକ ଗଣମାଧ୍ୟମମାନଙ୍କ ମଧ୍ୟରେ ଫେସ୍ବୁକ୍ ଅନ୍ୟତମ । ପୂର୍ବରୁ ବନ୍ଧୁତା ସୃଷ୍ଟି କରିବା ପାଇଁ ଫେସ୍ବୁକ୍ର ବ୍ୟବହାର କରାଯାଉଥିବା ବେଳେ ଏବେ ଫେସ୍ବୁକ୍ ଖବର ଆଦାନପ୍ରଦାନର ଏକ ମାଧ୍ୟମ ପାଲଟିଛି । ଏହାର ଲୋକପ୍ରିୟତା ବେଶ୍ ବୃଦ୍ଧି ପାଇଛି । ଲୋକମାନେ ନିଜର ପୁରୁଣା ବନ୍ଧୁମାନଙ୍କ ସହ ସମ୍ପର୍କ ସ୍ଥାପନ କରିବା ସହ ନୂଆ ବନ୍ଧୁ ସୃଷ୍ଟି କରିପାରୁଥିଲେ । ପରେ ଫେସ୍ବୁକ୍ରେ ଲୋକମାନେ ବିଭିନ୍ନ ଖବର ପ୍ରକାଶ କରିଥିଲେ । ନିଜର ଖୁସୀ ଏବଂ ଦୁଃଖକୁ ବାଣ୍ଟିଥିଲେ । ଫେସ୍ବୁକ୍ ନିଜର ବିଭିନ୍ନ ଫିଚରରେ ପରିବର୍ତ୍ତନ କରିବା ସହ ନୂଆ ଫିଚର୍ ଯୋଡିଥିଲା । ମେସେଞ୍ଜର ସହ ଅନେକ ନୂଆ ଫିଚରକୁ ଏଥିରେ ସଂଯୋଗ କରାଯାଇଥିଲା । ପରେ ବିଜ୍ଞାପନ ପାଇଁ ବ୍ୟବସାୟିକ ସଂସ୍ଥାନମାନେ ଏହାକୁ ବ୍ୟବହାର କରିଥିଲେ । ଫେସ୍ବୁକ୍ କମ୍ପାନୀର ନାମ ପରିବର୍ତ୍ତନ କରାଯାଇ ମେଟା କରାଯାଇଛି ।
୨୦୧୪ ମସିହାରେ ଫେସ୍ବୁକ୍ ହ୍ୱାଟସ୍ଆପ୍କୁ ନିଜ ଅଧୀନକୁ ଆଣିଥିଲେ । ବିଭିନ୍ନ ସମୟରେ ଫେସ୍ବୁକ୍ ନୂଆ ଫିଚର ଯୋଡିବା ସହ ଏହାର ବ୍ୟବହାରକାରୀଙ୍କ ବ୍ୟକ୍ତିଗତ ସୁରକ୍ଷା ପାଇଁ ନୂଆ ପଦକ୍ଷେପ ଗ୍ରହଣ କରିଥାଏ । ଆମେରିକାରେ ଫେସ୍ବୁକ୍ ମେସେଜଂରରେ ଏକ ନୂଆ ଫିଚର୍ ପରୀକ୍ଷଣ ଆରମ୍ଭ କରିଛି । ‘Split Payments’ ସ୍ପିଲ୍ଟ୍ ପେମେଣ୍ଟ ନାମକ ଫିଚରର ପରୀକ୍ଷଣ ଆରମ୍ଭ କରାଯାଇଛି । ମେସେଜଂରରେ ଏହାର ପରୀକ୍ଷଣ କରାଯାଇଛି । ଏହାର ବ୍ୟବହାରକାରୀମାନେ ‘Split Payments’ ବ୍ୟବହାର କରି ଗୋଟିଏ ବିଲ୍କୁ ସମାନପରୀମାଣରେ ଭାଗ କରିପାରିବେ । ଫେସ୍ବୁକ୍ ପେ ମାଧ୍ୟମରେ ଏହାର ବ୍ୟବହାର କରାଯାଇ ପାରିବ ।
ଭାରତରେ ଏହାକୁ ଆରମ୍ଭ କରାଯାଇ ନାହିଁ । ମାତ୍ର ହ୍ୱାଟସ୍ଆପ୍ରେ ଏବେ ଭାରତରେ ୟୁପିଆଇ ପେମେଣ୍ଟ ଆରମ୍ଭ କରାଯାଇଛି ।
