ଗୋପାଳପୁର : ବଙ୍ଗପୋସାଗରେ ଅବପାତର ରୂପ ନେଇ ବାତ୍ୟା ଜୱାଦ ଧୀରେ ଧୀରେ ଦୁର୍ବଳ ହେବାରେ ଲାଗିଛି । ଏହି କ୍ରମରେ ଶନିବାର ମଧ୍ୟ ରାତିରୁ ବର୍ଷା ରହିବା ସହ ରବିବାର ଗଞ୍ଜାମ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି । ତାହା ସହ ଗୋପାଳପୁର ବନ୍ଦରକୁ ୪ନଂ ବିପଦ ସଙ୍କେତ ଦିଆଯାଇଥିବା ପାଣିପାଗ ବିଭାଗ ପକ୍ଷରୁ କୁହାଯାଇଛି । ଗତକାଲି ରାତିଠାରୁ ଆଜି ଯାଏଁ ଗୋପାଳପୁରରେ ୪୩ ମିଲି ମିଟର ବର୍ଷା ରେକର୍ଡ କରାଯାଇଥିବା ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି । ଶନିବାର ଦିନ ମଧ୍ୟାହ୍ନ ପର୍ଯ୍ୟନ୍ତ ଝିପି ଝିପି ବର୍ଷା ରହିଥିବା ସହ ଅପରାହ୍ନରେ କିଛି ମାତ୍ରାରେ ବର୍ଷାର ପରିମାଣ କମିଥିବା ବେଳେ କୋହଲା ପାଗ ରହିଥିଲା। ପ୍ରଶାସନ ପକ୍ଷରୁ ବାତ୍ୟାର ପ୍ରଭାବକୁ ନଜରରେ ରଖି ୪ ଓ ୫ ତାରିଖ ବେଳାଭୂମିକୁ ପର୍ଯ୍ୟଟକ ଙ୍କୁ ବାରଣ ହୋଇଥିଲେ ମଧ୍ୟ ଆଜି ସନ୍ଧ୍ୟାରେ ବେଳାଭୂମିରେ ଆଖ ପାଖ ଅଞ୍ଚଳର ଲୋକଙ୍କ ଭିଡ଼ ଦେଖିବାକୁ ମିଳିଥିଲା । ବାତ୍ୟା ର ପ୍ରଭାବରେ ସମୁଦ୍ର ଅଶାନ୍ତ ଥିବା ସହ ଉଚ୍ଚ ଜୁଆର ଉଠୁଥିବା ଦେଖିବାକୁ ମିଳିଛି।
ଟଳିଲା ବାତ୍ୟା ଆତଙ୍କ, ରବିବାର ଗଞ୍ଜାମକୁ ଅରେଞ୍ଜ ୱାର୍ଣ୍ଣିଂ, ଗୋପାଳପୁର ବନ୍ଦରକୁ ୪ନଂ ବିପଦ ସଂକେତ
Popular Categories
Previous article
Next article