ପରିବେଶ ମନ୍ତ୍ରୀ ପ୍ରକାଶ ଜାବଡେକର ରବିବାର କହିଛନ୍ତି ଯେ ବାୟୁ ପ୍ରଦୂଷଣର ମୁକାବିଲା ପାଇଁ ସରକାର ଅନେକ ପଦକ୍ଷେପ ନେଇଛନ୍ତି। ଆଜି ସନ୍ଧ୍ୟାରେ ଏକ ଫେସବୁକ୍ ଲାଇଭ୍ କାର୍ଯ୍ୟକ୍ରମରେ ଜାଭଡେକର କହିଛନ୍ତି ଯେ ପ୍ରତ୍ୟେକ ଦେଶରେ ପ୍ରଦୂଷଣ ଏକ ସମସ୍ୟା ଭାବେ ଉଭା ହୋଇଛି ଏବଂ ଭାରତରେ ପ୍ରଦୂଷଣର ମୁଖ୍ୟ କାରଣ ହେଉଛି ଟ୍ରାଫିକ୍, ଶିଳ୍ପ, ବର୍ଜ୍ୟବସ୍ତୁ ପରିଚାଳନା, ଧୂଳି ଏବଂ ଫସଲ ମୂଳ ଜଳାଇବା।
ସେ କହିଛନ୍ତି, ଦେଶରେ ବିଏସ- ୬ ଲାଗୁ କରିବା ପାଇଁ ସରକାର ଏକ ବଡ଼ ନିଷ୍ପତ୍ତି ନେଇଥିଲେ ଯାହାଦ୍ୱାରା ପ୍ରଦୂଷଣ ହ୍ରାସ ପାଇବ।ସେ କହିଛନ୍ତି, ପ୍ରଦୂଷଣ ସ୍ତର ହ୍ରାସ କରିବାରେ ମେଟ୍ରୋରେ ଚାଲୁଥିବା ବସ ଏବଂ ସିଏନଜି ଯୋଗେ ଚାଲୁଥିବା ବସ୍ ଯୋଗଦାନ ଦେଇଛନ୍ତି। ସମସ୍ତ ପ୍ରମୁଖ ସହରରେ ଇ-ବସ୍ ଏବଂ ମେଟ୍ରୋ ସେବା ଆସୁଛି ଯାହା ଫଳରେ ପ୍ରଦୂଷଣ ସୃଷ୍ଟି ହେବ ନାହିଁ। ସେ କହିଛନ୍ତି, ଦେଶରେ ଦୁଇ ଲକ୍ଷରୁ ଅଧିକ ଇ-ଯାନ ଅଛି ଏବଂ ସେ ନିଜେ ଏକ ଇ-ଗାଡି ବ୍ୟବହାର କରନ୍ତି।
ମନ୍ତ୍ରୀ କହିଛନ୍ତି ଯେ ପ୍ରଦୂଷଣ ହ୍ରାସ କରିବାରେ ଲୋକଙ୍କ ସହଯୋଗ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ଏଥିରେ ସମସ୍ତେ ସହଯୋଗ କରିପାରିବେ। ମନ୍ତ୍ରୀ କହିଛନ୍ତି ଯେ ଯଦି ସମ୍ଭବ ଲୋକମାନେ ସାଇକେଲ ବ୍ୟବହାର କରି ନିଜ ଗନ୍ତବ୍ୟ ସ୍ଥାନକୁ ଯିବା ଉଚିତ୍। ପ୍ରଦୂଷଣ ହ୍ରାସ ନିମନ୍ତେ ଅଧିକ ଗଛ ଲଗାଇବାକୁ ସେ ସମସ୍ତଙ୍କୁ ଆହ୍ୱାନ ଦେଇଛନ୍ତି।
ଶ୍ରୀ ଜାବଡେକର କହିଛନ୍ତି ଯେ ନରେନ୍ଦ୍ର ମୋଦୀ ସରକାର ୨୦୧୪ରେ ଜାତୀୟ ବାୟୁ ଗୁଣବତ୍ତା ସୂଚକାଙ୍କ ଆରମ୍ଭ କରିଛନ୍ତି ଯାହା ପ୍ରଦୂଷଣର ମୁକାବିଲା କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ସେ ମଧ୍ୟ ଲୋକଙ୍କୁ ପ୍ରଦୂଷଣ କରୁଥିବା ‘ସମୀର’ ଆପ୍ ଡାଉନଲୋଡ୍ କରିବାକୁ କହିଛନ୍ତି।
