ସମ୍ବଲପୁର: ସମ୍ବଲପୁର ଠାରେ ମଙ୍ଗଳବାର ସନ୍ଧ୍ୟାରେ ଏକ ମିଶ୍ରଣ ପର୍ବ ସ୍ଥାନୀୟ ହାଉସିଂ ବୋର୍ଡ କଲୋନୀ ସ୍ଥିତ ପଡ଼ିଆ ଠାରେ ଆୟୋଜିତ ହୋଇଯାଇଛି। ଏହି ମିଶ୍ରଣ ପର୍ବରେ ଯୋଗ ଦେଇ କେନ୍ଦ୍ରମନ୍ତ୍ରୀ ତଥା ସମ୍ବଲପୁର ଲୋକସଭା ଆସନ ପାଇଁ ବିଜେପିର ପ୍ରାର୍ଥୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ, ମୁଖ୍ୟମନ୍ତ୍ରୀ ଭଡାରେ ଯେଉଁ ନେତା ଆଣିଛନ୍ତି, ସେ ରାଜ୍ୟରେ ବିଜେପି କ୍ଷମତାକୁ ଆସିଲେ ବିଜୁ ସ୍ୱାସ୍ଥ୍ୟ ଯୋଜନା ବନ୍ଦ ହୋଇଯିବ ବୋଲି ମିଛ ପ୍ରଚାର କରୁଛନ୍ତି। ସେମାନେ ରାଜ୍ୟରେ ବିଜୁ ସ୍ୱାସ୍ଥ୍ୟ ଯୋଜନା ସହିତ ଆୟୁଷ୍ମାନ ଯୋଜନା ଲାଗୁ କାହିଁ କରୁ ନାହାନ୍ତି ବୋଲି ଶ୍ରୀ ପ୍ରଧାନ ବିଜେଡି ସରକାରଙ୍କ ପ୍ରଶ୍ନ କରିଛନ୍ତି। ଏଠାରେ ସବୁ ଠାରୁ ମୂଳ ବିଷୟ ହେଉଛି ଯେ, ଓଡିଆ ଲୋକ ମାନେ ଚିକିତ୍ସା ସୁବିଧା ପାଇବା ଦରକାର। ବିଜେପି ସରକାର ଆସିଲେ ବିଜୁ ସ୍ୱାସ୍ଥ୍ୟ କାର୍ଡ ବନ୍ଦ ହେବ ନାହିଁ। ବରଂ ଲୋକଙ୍କ ହିତ ପାଇଁ ଚାଲୁଥିବା ଆୟୁଷ୍ମାନ ଭାରତ ଯୋଜନାକୁ ଯୋଡି ଦିଆଯିବ ଏବଂ ଓଡିଆ ଲୋକେ ୨ ଗୁଣା ଲାଭ ପାଇବେ ବୋଲି ଶ୍ରୀ ପ୍ରଧାନ କହିଛନ୍ତି।
Comments are closed.