ନୂଆଦିଲ୍ଲୀ – ବିଶ୍ୱରେ ଅନେକ ଅଜବ ସ୍ଥାନ ରହିଛି । ଏପରି ଏକ ଗାଁ ରହିଛି ଯେଉଁଠାରେ ସେଠାକାର ଲୋକମାନେ ଚାଲୁ ଚାଲୁ ହଠାତ୍ ଗଭୀର ନିଦରେ ଶୋଇ ପଡନ୍ତି । ଏମାନେ ରାସ୍ତାରେ କାମ କରୁଥିବା ସ୍ଥାନରେ ଯେଉଁଠାରେ ପାଆନ୍ତି ଗଭୀର ନିଦରେ ଶୋଇ ପଡନ୍ତି ।
ଉତ୍ତର କାଜକିସ୍ତାନରେ ଏହି ଗାଁ ରହିଛି । ଏମାନଙ୍କୁ ନିଦର ବେମାରୀ ହୋଇଛି ବୋଲି କୁହାଯାଏ ।କାଜକିସ୍ତାନର କଲାଚୀ ଗାଁରେ ଲୋକ ଅନେକ ଦିନ ଧରି ଶୋଇ ରୁହନ୍ତି । ୨୦୧୦ ମସିହାରେ ଏହି ଗାଁରେ ଅନେକ ଦିନ ଧରି ଶୋଇବାର ଘଟଣା ଆରମ୍ଭ ହୋଇଥିଲା । କିଛି ବିଦ୍ୟାଳୟର ଛାତ୍ର ଅଚେତ ହୋଇ ଶୋଇ ପଡିଥିଲେ । ପରେ ଘଟଣାରେ ବୃଦ୍ଧି ଘଟିଥିଲା । କିଛି ଗବେଷକ ଏହି ଗାଁରେ ପହଞ୍ଚି ଏହା ଉପରେ ଗବେଷଣା ଆରମ୍ଭ କରିଥିଲେ ।
ଡାକ୍ତର ଏବଂ ବୈଜ୍ଞାନିକମାନଙ୍କୁ ନେଇ ଗଠନ କରାଯାଇଥିବା ଏହି ଦଳ କୌଣସି କାରଣ ଖୋଜି ପାଇ ନଥିଲେ କି ଏହାର ନିଦାନ ମଧ୍ୟ ପାଇ ନଥିଲେ । କିଛି ଡାକ୍ତରଙ୍କ ଅନୁସାରେ ଗାଁରେ ଥିବା ଜଳ ସ୍ରୋତ ବା ପିଇବା ପାଣି ଦୂଷିତ ହୋଇଯାଇଥିବାରୁ ଏପରି ଘଟୁଛି । ଏହି ଗାଁରେ ୬୦୦ ଲୋକ ଅଛନ୍ତି । ପ୍ରାୟ ୧୦୦ ଜଣେ ଲୋକ ଏହି ନିଦ ରୋଗରେ ଆକ୍ରାନ୍ତ ।
ଯେଉଁମାନଙ୍କୁ ଏହି ନିଦ ରୋଗ ହୋଇଛି ସେମାନେ ଏ ବିଷୟରେ ବିଶେଷ କିଛି ଜାଣନ୍ତି ନାହିଁ । ନିଦ ରୋଗ ହୋଇଥିବା ଲୋକମାନେ ବଜାରରେ , ସ୍କୁଲରେ ଏମିତିକି ରାସ୍ତା ଉପରେ ଶୋଇପଡିଥିବା ଦେଖିବା ପାଇଁ ମିଳିବେ ।
କାଜଖସ୍ତାନର ଏହି ଗାଁ ନିକଟରେ ୟୁରାନିୟମର ଖନନ କରାଯାଉଥିଲା । ଏବେ ଏହା ବନ୍ଦ ରହିଛି । ଏହି ୟୁରାନିୟମ ଖଣିର ବିକିରଣ ଯୋଗୁଁ ବିଭିନ୍ନ ଲୋକ ବିଭିନ୍ନ ରୋଗରେ ଆକ୍ରାନ୍ତ ହେଉଥିବା କଥା କୁହାଯାଉଛି । ଏବେ ଏହି ଗାଁରେ ବିକିରଣର ବିଶେଷ ପ୍ରଭାବ ନଥିବା କଥା ବିଶେଷଜ୍ଞମାନେ କହିଛନ୍ତି ।
Comments are closed.