କେନ୍ଦୁଝରଗଡ଼଼: ଧରଣୀଧର ବିଶ୍ୱବିଦ୍ୟାଳୟର ସେଲ୍ଫ ଫାଇନାନ୍ସିଂ ବିବିଏ ଛାତ୍ର ଅଭିଷେକ ରଜକ ମଙ୍ଗଳବାର ପୂର୍ବାହ୍ନରେ ଗମ୍ଭାରିଆରେ ରହୁଥିବା ଭଡାଘରେ ଆତ୍ମହତ୍ୟା କରିଥିବା ଜଣାପଡ଼ିଛି। ମଙ୍ଗଳବାର ପୂର୍ବାହ୍ନ ୮ରୁ ୧୧ ପର୍ଯ୍ୟନ୍ତ ପରୀକ୍ଷା ଥିବାବେଳେ ଅଭିଷେକ ପରୀକ୍ଷା ୨ ଘଣ୍ଟା ପରେ ଆସି ଭଡା ଘରେ ପହଞ୍ଚିଥିଲା। ଅଭିଷେକଙ୍କ ବାପା ବଡବିଲସ୍ଥିତ ଏକ ଘରୋଇ କମ୍ପାନୀରେ ଚାକିରୀ କରୁଥିବା ବେଳେ ପୁଅ ନିକଟକୁ ପୂର୍ବାହ୍ନ ୧୧ଟା ପରେ ବାରମ୍ବାର ଫୋନ କରିଥିଲେ ସୁଦ୍ଧା ଫୋନ ନଉଠାଇବାରୁ କେନ୍ଦୁଝର ସରକାରୀ ମହିଳା ମହାବିଦ୍ୟାଳୟରେ ପଢ଼଼ୁଥିବା ଝିଅକୁ ଫୋନ କରି ପୁଅ କାହିଁକି ଫୋନ ଉଠାଉ ନାହିଁ ଯାଇ ଦେଖିବା ପାଇଁ କହିଥିଲେ। ଏହାପରେ ଅଭିଷେକର ଭଉଣୀ ଭାଇ ରହୁଥିବା ଭଡାଘରେ ପହଞ୍ଚି ଭାଇକୁ ଖୋଜିବା ସହ ଉକ୍ତ ଭଡାଘରେ ରହୁଥିବା ଅନ୍ୟ ଛାତ୍ର ମାନଙ୍କୁ ପଚାରି ବୁଝିଥିଲେ। ଶେଷରେ ଅଭିଷେକ ରହୁଥିବା ଘର ଭିତରପଟୁ ବନ୍ଦ ଥିବା ଜାଣି କବାଟ ଭାଙ୍ଗି ଦେଖିବାରୁ ଅଭିଷେକ ବେକରେ ଲୁଗା ସାହାଯ୍ୟରେ ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ। ଖବରପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଅଭିଷେକଙ୍କ କୌଣସି ଏକ ଯୁବତୀ ସହ ପ୍ରେମ ସମ୍ପର୍କ ଥିବା ଏବଂ ସମ୍ପୃକ୍ତ ଯୁବତୀ ଜଣକ ଅଭିଷେକଙ୍କ ମୋବାଇଲ ନମ୍ବରକୁ ବ୍ଲକ କରି ଦେଇଥିବାରୁ ଅଭିଷେକ ଆତ୍ମହତ୍ୟା କରିଥିବା ପ୍ରାଥମିକ ତଦନ୍ତରୁ ଅନୁମାନ କରାଯାଉଛି।
Popular Categories
Previous article
Next article