ସମ୍ବଲପୁର: ଚଳିତ ନିର୍ବାଚନକୁ ଭୟ ଓ ପକ୍ଷପାତ ମୁକ୍ତ କରିବା ପାଇଁ ବିଭିନ୍ନ ମାଦକଦ୍ରବ୍ୟ ଉପରେ ଚଢ଼ାଉ ଅଭିଯାନ ଅବକାରୀ ବିଭାଗ ତରଫରୁ ନିୟମିତ କରାଯାଉଛି। ଏହି କ୍ରମରେ ମଙ୍ଗଳବାର ସମ୍ବଲପୁର ତଥା ଆଖପାଖ ଅଞ୍ଚଳରେ ୩ଟି ସ୍ଥାନରେ ଚଢ଼ାଉ କରି ଅବକାରୀ ଗୁଇନ୍ଦା ବିଭାଗ ୩ ଜଣଙ୍କୁ ଗିରଫ କରିବା ସହିତ ୨ଟି ସ୍କୁଟି ଓ ସମୁଦାୟ ୫୦ କିଗ୍ରା ଗଞ୍ଜେଇ ଜବତ କରାଯାଇଛି। ବିଭାଗ ତରଫରୁ ଜାରି ସୂଚନୁାନୁଯାୟୀ, ଅବକାରୀ ଗୁଇନ୍ଦା ଇନିସ୍ପକେଟର ଧନଞ୍ଜୟ ପାତ୍ର, ଏସଆଇ ଦିଲୀପ ତାଣ୍ଡି ଓ ଅଲେଖ ପ୍ରଧାନଙ୍କ ନେତୃତ୍ୱରେ ୩ଟି ସ୍ଥାନରେ ଚଢ଼ାଉ କରାଯାଇଥିଲା। ସ୍ଥାନୀୟ କ୍ଷେତରାଜପୁର ଥାନା ଅନ୍ତର୍ଗତ ଲକ୍ଷ୍ମୀ ଡୁଙ୍ଗୁରୀ ଅଞ୍ଚଳରେ ଚଢ଼ାଉ କରାଯାଇ ଶ୍ରୀକାନ୍ତ ବେହେରା, ଶାସନ ଥାନା ଅର୍ନ୍ତଗତ ଖଇରପାଲି ଠାରେ ଚଢ଼ଉ ସମୟରେ ଡମ୍ବରୁଧର ବେହେରା ଓ ସଦର ଥାନା ଅନ୍ତର୍ଗତ କେଉଁଡିହି ଠାରେ ଚଢ଼ାଉ କରାଯାଇ ଲଳିତ ବେରିହାଙ୍କୁ ଗିରଫ କରାଯାଇଛି। ଅଭିଯୁକ୍ତ ମାନଙ୍କ ନିକଟରୁ ୨ଟି ସ୍କୁଟି ଜବତ କରାଯିବା ସହିତ ୫୦ କିଗ୍ରା ଗଞ୍ଜେଇ ଜବତ କରାଯାଇଛି। ଜବତ କରାଯାଇଥିବା ଗଞ୍ଜେଇ, ଗାଡି ଗୁଡିକର ଆନୁମାନିକ ମୂଲ୍ୟ ୭ ଲକ୍ଷ ଟଙ୍କାରୁ ଅଧିକ ହେବ। ଏ ନେଇ ଅବକାରୀ ବିଭାଗ ତରଫରୁ ମାମଲା ରୁଜୁ କରାଯାଇ ଅଭିଯୁକ୍ତ ମାନଙ୍କୁ ଗିରଫ କରାଯାଇ ଅଦାଲତକୁ ଚାଲାଣ କରାଯାଇଛି ବୋଲି ସୂଚନା ଦିଆଯାଇଛି।
Comments are closed.