ମୁମ୍ବଇ : ଆଗାମୀ ଚଳଚ୍ଚିତ୍ର ‘ଡଲି ଔର କିଟି ଔର ୱ ଚମକତେ ସିତାରେଁ’ରେ ପ୍ରଥମଥର କୋଙ୍କଣା ସେନ୍ ଶର୍ମା ଓ ଭୂମି ପେଦନକର ଏକତ୍ର କାମ କରିବେ। ଏ ବାବଦରେ ଭୂମି କହିଛନ୍ତି, କୋଙ୍କଣାଙ୍କ ପରି ଜଣେ ଅଭିଜ୍ଞ ଅଭିନେତ୍ରୀଙ୍କ ସହ କାମ କରିବାର ସୁଯୋଗ ପାଇ ସେ ଖୁବ୍ ଆନନ୍ଦିତ। କଳାତ୍ମକ ଚଳଚ୍ଚିତ୍ରରେ ଚମତ୍କାର ଅଭିନୟ କରି ନିଜ ପରିଚୟକୁ ଦୃଢ଼ କରିଥିବା କୋଙ୍କଣା ଏଥିରେ ନିର୍ଦେଶନା ଦେବା ସହ ଅଭିନୟ କରିଛନ୍ତି। ଚଳଚ୍ଚିତ୍ରର ଅଧିକାଂଶ ସଦସ୍ୟ ମହିଳା ନିଯୁକ୍ତ ହୋଇଛନ୍ତି। କୋଙ୍କଣା କହିଛନ୍ତି, ଏହି ନିଷ୍ପତ୍ତି ତାଙ୍କର ଥିଲା ଓ ଏକ ମହିଳା ଟିମ୍ ସହ କାମ କରିବାର ମଜା ବି ଅଲଗା। କଳି-ଝଗଡ଼ା, ମତାନ୍ତର-ମନାନ୍ତର ସହ ସଦସ୍ୟଙ୍କ ମଧ୍ୟରେ ଥିଲା ବେଶ୍ ଭଲପାଇବା। କୋଙ୍କଣା ଓ ଭୂମିଙ୍କ ଘନିଷ୍ଠତା ଏଇ ସେଟ୍ରେ ବଢ଼ିବା ସହ ଦୁହିଁଙ୍କ ମତରେ ପ୍ରକୃତରେ ମହିଳା ୟୁନିଟ୍ ସଦସ୍ୟ ସହ କାମ କରିବା ସବୁଠୁ ଚ୍ୟାଲେଞ୍ଜିଂ ଓ ଏକ ସୁନ୍ଦର ସ୍ମୃତି ମଧ୍ୟ।
Popular Categories
Previous article
Next article