ବ୍ରହ୍ମପୁର: ସଦର ଥାନା ପୁଲିସ ପକ୍ଷରୁ ଆଜି ଭୋର ପ୍ରାୟ ୪ଟା ୪୫ ମିନିଟରେ ହୋଇଥିବା ଦୁର୍ଦାନ୍ତ ଅପରାଧୀ କେ ମୋହନ ରାଓ ଗୁରୁତର ହୋଇଛି। ସଦର ଥାନା ଅନ୍ତର୍ଗତ ଝାଡାଙ୍କୁଲି ଆମ୍ବ ତୋଟା ନିକଟରେ ଗିରଫ ଉଦ୍ୟମ ବେଳେ ପୁଲିସ ଉପରକୁ ମୋହନ ଦୁଇ ରାଉଣ୍ଡ ଗୁଳିଚାଳନା କରିବା ସହିତ ଦୁଇଟି ବୋମା ଫିଙ୍ଗିଥିଲା। ବୋମା ମାଡରେ ସଦର ଥାନା ଇନ୍ସପେକ୍ଟର ଶିବଶଙ୍କର ମହାପାତ୍ର ଓ ସବ ଇନ୍ସପେକ୍ଟର ସୂର୍ୟ୍ୟ ଚନ୍ଦ୍ର ପତି ଆହତ ହୋଇଛନ୍ତି। ଏହାପରେ ପୁଲିସ ପକ୍ଷରୁ ପାଲଟା ଗୁଳି ଚାଳନା ହୋଇଥିଲା। ଏଥିରେ ମୋହନର ଉଭୟ ଗୋଡ଼ରେ ଗୁଳି ବାଜିଛି। ତାକୁ ଡାକ୍ତରଖାନାରେ.ଭର୍ତ୍ତି କରାଯାଇଛି। ତା ନିକଟରୁ ପୁଲିସ ଗୋଟିଏ ମୋଟର ସାଇକେଲ, ଗୋଟିଏ ମାଉଜ଼ର, ଦୁଇଟି ବୋମା ଓ ଗୋଟିଏ ଗୁଳି ଜବତ କରିଛି। ଘଟଣା ସ୍ଥଳରୁ ମୋହନର ଅନ୍ୟଜଣେ ସହଯୋଗୀ ଫେରାର ହୋଇଯାଇଛି। ଅପରାଧୀ ଓ ଅପରାଧକୁ ଦମନ କରିବା ପାଇଁ ଉଭୟ ଗଞ୍ଜାମ ଓ ଵ୍ରହ୍ମପୁର ପୁଲିସ ପକ୍ଷରୁ ଆରମ୍ଭ ହୋଇଥିବା ଅପରେସନ କ୍ଲିନ କ୍ରାଇମ୍ରେ ଏହା ହେଉଛି ୪୨ତମ ଏନକାଉଣ୍ଟର ଓ ମୋହନ ହେଉଛି ୪୫ତମ ଶିକାର।
