ଫୁଲବାଣୀ: କନ୍ଧମାଳ ଜିଲ୍ଲା ସଦର ବ୍ଲକ ଅନ୍ତର୍ଗତ ପାରିଗାଁ ଠାରେ କନ୍ଧମାଳ ପ୍ରଗତି ଚିନ୍ତନ ପରିଷଦ ଟ୍ରଷ୍ଟ ପକ୍ଷରୁ ଗରୀବ ତଥା ଅସହାୟ ଲୋକମାନଙ୍କୁ ଶୀତ ବସ୍ତ୍ର ବଣ୍ଟନ କରାଯାଇଛି। ଭାରତୀୟ ରେଡ କ୍ରସ ସଂସ୍ଥା ଦ୍ୱାରା ପ୍ରଦତ୍ତ କମ୍ବଳ ଲୁଙ୍ଗି, ଗାମୁଛା, ପାଲ, ଶାଢ଼ୀ, ବାଲଟି, ମଗ ଓ ରୋଷାଇ ବାସନ ଆଦି ହିତାଧିକାରୀ ମାନଙ୍କୁ ବଣ୍ଟନ କରାଯାଇଥିଲା। ଟ୍ରଷ୍ଟର ସଭାପତି ଦିଲ୍ଲୀପ କୁମାର ସାହାଣୀଙ୍କ ଉଦ୍ୟମ ଯୋଗୁଁଁ ଏହି ସବୁ ରିଲିଫ ଦ୍ରବ୍ୟ ଜିଲ୍ଲାକୁ ଅଣାଯାଇ ଗ୍ରାମାଞ୍ଚଳର ଗରୀବ ଲୋକଙ୍କୁ ବଣ୍ଟନ ବ୍ୟବସ୍ଥା କରାଯାଇଛି। ଏହି କାର୍ଯ୍ୟକ୍ରମରେ ଟ୍ରଷ୍ଟ ଉପ ସଭାପତି ସୁବାଷ ଚନ୍ଦ୍ର ପ୍ରଧାନ ଓ ଶୁଭେନ୍ଦୁ ତ୍ରିପାଠୀ, ସଦସ୍ୟ ନୃସିଂହ ବେହେରା, ବି ଭି ଶଙ୍କର, ସାର୍ତାଗୁଡାର ସାମାଜିକ କର୍ମୀ ଅବନୀ କଂହର ପ୍ରମୁଖ ଉପସ୍ଥିତ ରହି ରିଲିଫ ବଣ୍ଟନରେ ସହାୟତା କରିଥିଲେ।
Comments are closed.