ସମ୍ବଲପୁର: ଗତ ୩ ତାରିଖରେ ସମ୍ବଲପୁରର ବ୍ୟସ୍ତବହୁଳ ବୁଢ଼ାରଜା ଅଞ୍ଚଳରେ ଥିବା ମାନାପୁରମ ଗୋଲ୍ଟ ଲୋନର ଶାଖାରୁ ଡକାୟତ ମାନେ ସକାଳ ପ୍ରାୟ ୧୦ଟା ସମୟରେ ପ୍ରାୟ ୩୦ କିଗ୍ରା ସୁନା ଓ ନଗଦ ୪ ଲକ୍ଷ ୮୧ ହଜାର ଟଙ୍କା ଲୁଟ କରି ନେଇଛନ୍ତି। ଏହି ଘଟଣାରେ ପୁଲିସକୁ ୫ ଦିନ ହେବ କୌଣସି ସଫଳତା ମିଳି ପାରି ନ ଥିବା ବେଳେ ଏବେ ମଧ୍ୟ ରାଜ୍ୟ ତଥା ରାଜ୍ୟ ବାହାରେ ୪ଟି ପୁଲିସ ଦଳ ଡକାୟତ ମାନଙ୍କୁ ଖୋଜୁଛନ୍ତି। ଇତି ମଧ୍ୟରେ ପୁଲିସ ୨ଟି ଡକାୟତଙ୍କର ଫଟୋ ଚିତ୍ର ହାସଲ କରିବାରେ ସଫଳ ହୋଇଛି। ବହୁ ଖୋଜାଖୋକି ସତ୍ୱେ ପୁଲିସ ଡକାୟତ ମାନଙ୍କୁ ଧରି ନ ପାରିବାରୁ ଶେଷରେ ସମ୍ବଲପୁର ୨ ଅଭିଯୁକ୍ତଙ୍କ ଫଟୋ ଜାରି କରି ଜନତାଙ୍କ ସହାୟତା ଲୋଡିଛି। ଯଦି କେହି ବ୍ୟକ୍ତି ଏହି ବ୍ୟକ୍ତି ଦ୍ୱୟଙ୍କ ସମ୍ପର୍କରେ ପୁଲିସକୁ ସୂଚନା ପ୍ରଦାନ କରନ୍ତି, ତାହା ହେଲେ ତାଙ୍କର ପରିଚୟ ଗୋପନ ରଖାଯିବା ସହିତ ସୂଚନାଦାତାଙ୍କୁ ୧ ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯିବ। ସୂଚନାଦାତା ୮୯୨୬୯୮୭୬୯୫ କିମ୍ବା ୮୯୨୬୯୮୭୬୯୩ ଫୋନ ନମ୍ବରକୁ ଯୋଗାଯୋଗ କରି ତଥ୍ୟ ପ୍ରଦାନ କରିପାରିବେ ବୋଲି ଜିଲା ଅତିରିକ୍ତ ପୁଲିସ ଆରକ୍ଷୀ ଅଧିକ୍ଷକ (ଡିଆଇବି) ସୂଚନା ପ୍ରଦାନ କରିଛନ୍ତି। ଅପରପକ୍ଷରେ ଏହି ଘଟଣାରେ ପୁଲିସ କିଛି ବ୍ୟକ୍ତିଙ୍କୁ ଅଟକ ରଖି ପଚରାଉଚୁରା କରୁଥିବା ଜଣାପଡ଼ିଛି।
Popular Categories
Previous article
Next article