ମୋହନା : ଗଜପତି ଜିଲ୍ଲା ମୋହନା ବ୍ଲକ ଅନ୍ତର୍ଗତ ଚନ୍ଦ୍ରଗିରି ପଞ୍ଚାୟତ କାର୍ଯ୍ୟାଳୟ ପରିସରରେ ବେକାରୀ ସମସ୍ୟା ଦୂର କରିବା ପାଇଁ ଓଡିଶା ସରକାରଙ୍କ ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିକାଶ ତରଫରୁ ଜିଲ୍ଳା ନିୟୋଜନ ବିଭାଗ ଦ୍ଵାରା ବ୍ଲକ ସ୍ତରୀୟ ନିଯୁକ୍ତି ପରାମର୍ଶ ଶିବିର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ମୋହନା ତହସିଲଦାର କିଶୋର ଚନ୍ଦ୍ର ଦାଶ ଉପସ୍ଥିତ ରହି ପ୍ରଦୀପ ପ୍ରଜ୍ଜ୍ଵଳନ କରି ଶିବିରକୁ ଉଦଘାଟନ କରିଥିଲେ। ଜିଲ୍ଲା ନିଯୁକ୍ତି ଅଧିକାରୀ ସ୍ୱଭାଗ୍ୟ ସ୍ତୁତିରଞ୍ଜନ ତ୍ରିପାଠୀ, ଜିଲ୍ଲା ଆରସିଟି ଅଚ୍ୟୁତା ନନ୍ଦ ବ୍ରହ୍ମା ଉପସ୍ଥିତ ଥିଲେ । ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ବ୍ଲକ ଜୀବିକା ମିଶନର ପରିଚାଳକ ସିଲିଚ ତିରୁପତି ରାଓ । ଏହି ନିଯୁକ୍ତି ମେଳାରେ ୭ଟି ଷ୍ଟଲ ଖୋଲା ଯାଇଥିଲା । କୃଷି, ସିଲେଇ, ହୋଟେଲ ପରିଚାଳନା ଭଳି ଅନେକ ବିଭାଗ ରହିଥିଲା । କାର୍ଯ୍ୟକ୍ରମକୁ ୨୨୭ଜଣ ମହିଳା ଓ ପୁରୁଷ ଆସିଥିବା ବେଳେ ୧୫୭ଜଣଙ୍କ ନାମ ତାଲିକାରେ ପଞ୍ଜୀକୃତ ହୋଇଥିଲା। ଛତୁ ଚାଷ, ସିଲେଇ, ହୋଟେଲ ପରିଚାଳନା ପାଇଁ ଏମାନେ ମନୋନୀତ ହୋଇଥିଲେ।
Popular Categories
Previous article
Next article