ଗାଡି ଓଲଟି ୭ ଗୁରୁତର

ଧର୍ମଗଡ : ଟେଣ୍ଟ ଜିନିଷ ନେଇ ଯାଉଥିବା ଏକ ୪୦୭ ଭ୍ୟାନ ଓଲଟି ପଡିବାରୁ ୭ ଜଣ ଆହତ ହୋଇଛନ୍ତି। ତନ୍ମଧ୍ୟରୁ ଦୁଇ ଜଣଙ୍କ ଅବସ୍ଥା ଗୁରୁତର ଥିବା ଜଣାପଡିଛି। ଗୁରୁତରମାନଙ୍କୁ ଭବାନିପାଟଣା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ମିଳିଥିବା ସୂଚନାନୁଯାୟୀ ଏକ ୪୦୭ଭ୍ୟାନ ଟେଣ୍ଟ ଜିନିଷ ନେଇ କିର୍କାକାନିରୁ ଛତିଶଗଡ ଯାଉଥିଲାବେଳେ କିର୍କାକାନି ଗାଁ ପାଖରେ ଗାଡି ଓଲଟି ପଡିଥିଲା। ଫଳରେ ଗାଡିରେ ଥିବା ଟେଣ୍ଟ ବାଳକ ମଧୁରାମ ନାଏକ,ରୋହି ମାଝି,ପ୍ରଦିପ୍ତ ମାଝି,ଟିଣ୍ଟୁ ମାଝି,ଅମିତ ମାଝି,ଅରୁଣ ମାଝି,ବିସନାଥ ମାଝି ଗୁରୁତର ଆହତ ହୋଇଥିଲେ। ଏମାନଙ୍କ ମଧ୍ୟରୁ ରୋହିତ ମାଝି ,ବିସନାଥ ମାଝିଙ୍କ ଅବସ୍ଥା ଗୁରୁତର ଥିବା ଜଣାପଡିଛି। ଏମାନଙ୍କୁ ଭବାନିପାଟଣା ସ୍ଥାନାନ୍ତର କରାଯାଇଛି। ଧର୍ମଗଡ ପୁଲିସ ଘଟଣାସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଛି।