ଫୁଲବାଣୀ: କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ ବାଡ଼ାବାଙ୍ଗା ଗର୍ଜେଡ଼ି ଗ୍ରାମର ଛାତ୍ରୀ ଲିନ୍ସା ପ୍ରଧାନ ବିନା କୋଚିଂରେ କଠିନ ପରିଶ୍ରମ କରି ପାଠ ପଢି ନିଟ୍ରେ କୃତକାର୍ଯ୍ୟ ହୋଇଛନ୍ତି। ଏହି ଅବସରରେ ଲିନ୍ସା ରବିବାର ଉପମୁଖ୍ୟମନ୍ତ୍ରୀ ତଥା ମିଶନଶକ୍ତି ବିଭାଗର ମନ୍ତ୍ରୀ ପ୍ରଭାତୀ ପରିଡ଼ାଙ୍କୁ ସାକ୍ଷାତ କରିଛନ୍ତି। ଏହି ଅବସରରେ ଉପମୁଖ୍ରମନ୍ତ୍ରୀ ତାଙ୍କୁ ଶୁଭେଚ୍ଛା ଜଣାଇବା ସହିତ ଅଗାମି ଦିନରେ ସଫଳ ମଣିଷ ହେବାର ଆଶୀର୍ବାଦ ଦେଇଛନ୍ତି। ଏନେଇ ନିଜେ ଉପମୁଖ୍ୟମନ୍ତ୍ରୀ ନିଜର ସାମାଜିକ ଗଣମାଧ୍ୟମ ଫେସବୁକ୍ ଆଇଡିର ଏକାଧିକ ଫୋଟ ମଧ୍ୟ ସେୟାର କରିଛନ୍ତି। ଉପମୁଖ୍ୟମନ୍ତ୍ରୀ କହିଛନ୍ତି ଯେ, ଲିନ୍ସା ଜୀବନରେ ଅନେକ ସମସ୍ୟା ଭିତରେ ରହି ବିନା କୋଚିଂରେ କେବଳ ୟୁଟ୍ୟୁବ୍ ମାଧ୍ୟମରେ ପାଠପଢି ନିଟ୍ ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି। ଏହା ଦ୍ୱାରା ଲିନ୍ସା ଏକ ପ୍ରକାର ପ୍ରମାଣିତ କରିଛନ୍ତି ଯେ, ନିଷ୍ଠାର ସହ କରିଥିବା ପରିଶ୍ରମ କେବେ ମଧ୍ୟ ବ୍ୟର୍ଥ ଯାଏନି। ଆଗାମି ଦିନରେ ଏମକେସିଜି ମେଡ଼ିକାଲ୍ କଲେଜରେ ଡ଼ାକ୍ତରୀ ପାଠ ପଢିବାକୁ ଯାଉଥିବାରୁ ତାଙ୍କର ଭବିଷ୍ୟଜ ଉଜ୍ଜଳ ହେଉ ବୋଲି ଉପମୁଖ୍ୟମନ୍ତ୍ରୀ ପ୍ରଭୁ ଜଗନ୍ନାଥଙ୍କ ନିକଟରେ କାମନା କରିଛନ୍ତି।
ଲିନ୍ସାଙ୍କ ବାପା ଇଲିଆସ ପ୍ରଧାନ ଶିକ୍ଷକ ଏବଂ ମା ରୀନା ଅଙ୍ଗନୱାଡ଼ି କର୍ମୀଭାବେ କାର୍ଯ୍ୟରତ ଥିବା ବେଳେ ଆର୍ଥିକ ଅଭାବ ସତ୍ୱେ ଝିଅକୁ ଭବିଷ୍ୟତ ପାଇଁ ବଡ଼ ସ୍ୱପ୍ନ ଦେଖିବା ଏବଂ ଏହାକୁ ସାକାର କରିବା ପାଇଁ ସହଯୋଗ କରିଥିବାରୁ ଉପମୁଖ୍ୟମନ୍ତ୍ରୀ ଉୟଭଙ୍କୁ ମଧ୍ୟ ଧନ୍ୟବାଦ ଦେଇଛନ୍ତି। ଏହି ଅବସରରେ ଉପମୁଖ୍ୟମନ୍ତ୍ରୀ ଏକ ଉପହାର ପ୍ରଦାନ କରି ଲିନ୍ସାଙ୍କୁ ଉତ୍ସାହିତ କରିଛନ୍ତି।
Comments are closed.