ଝିଅର ଆକୁଳ ନିବେଦନ – ବାପାଙ୍କ ହତ୍ୟାକାରୀଙ୍କୁ ତୁରନ୍ତ ଗିରଫ କରିବା ସହ କଠୋର ଦଣ୍ଡ ଦିଅ

କୁଆଁପାଳ: କଟକ ଜିଲ୍ଲା ମାହାଙ୍ଗା ଥାନା ଭଦରେଶ୍ୱର ଫାଣ୍ଡି ବେଗୁନିଆପଦା ଗ୍ରାମର ମୃତ୍ୟଞ୍ଜୟ ଦାସ ହତ୍ୟାକାଣ୍ଡ ଘଟଣାରେ ଅଭିଯୁକ୍ତ ହତ୍ୟାକାରୀମାନକୁ ତୁରନ୍ତ ଗିରଫ କରି ଫାଶୀ ଦଣ୍ଡ ଦେବା ପାଇଁ ଝିଅ ଶୁଭଶ୍ରୀ ସରକାରଙ୍କ ନିକଟରେ ଦାବି କରିଛନ୍ତି, । ଏହି ଘଟଣାକୁ ପାଞ୍ଚଦିନ ପୁରିବାକୁ ବସିଥିବାବେଳେ ପୁଲିସ ଅଭିଯୁକ୍ତମାନଙ୍କ ଖୋଜ ଖବର ପାଉନି । ଅଭିଯୁକ୍ତ ମାନେ କିପରି କେଉଁ ଆଡେ ଅନ୍ତର୍ଦ୍ଧାନ ହୋଇଗଲେ ତାହା ପୁଲିସ ର ଦକ୍ଷତା ଉପରେ ପ୍ରଶ୍ନ ଉଠାଇଛି ।

ଗତ ଗୁରୁବାର ରାତିରେ ମୃତ୍ୟୁଞ୍ଜୟ ଶଶୁର ଘରକୁ ଯାଉଥିବା ସମୟରେ ପୂର୍ବ ଶତ୍ରୁତା କୁ ନେଇ ଗାଁ ମଝିରେ ସେଇ ଗ୍ରାମର ଧୀରେନ ଦାସ, ବିରେନ ଦାସ ଅର୍ଜୁନ ଦାସ, ରମାକାନ୍ତ ଦାସ, ଶିବୁନି ଦାସ ସମେତ ୮ଜଣ ସଙ୍ଗବଦ୍ଧ ଭାବେ ଖଣ୍ଡା ଭୁଜାଲି ରଡ଼ ରେ ଆକ୍ରମଣ କରିଥିଲେ । ଏଥିରେ ମୃତ୍ୟୁଞ୍ଜୟ ଗୃତତର ହେବାସହ ସଂଜ୍ଞାହୀନ ଅବସ୍ଥାରେ କଟକ ମେଡିକାଲରେ ଭର୍ତି ହୋଇଥିଲେ । ଘଟଣାର ୨ଦିନପରେ ମେଡିକାଲରେ ତାଙ୍କର ମୃତ୍ୟ ହୋଇଥିଲା ।

ମୃତ ମୃତ୍ୟଞ୍ଜୟ ଏକମାତ୍ର ରୋଜଗରିଆ ହୋଇଥିବାବେଳେ ତାଙ୍କ ଉପରେ ରୋଗିଣା ବୃଦ୍ଧ ବାପା ମା ,ପତ୍ନୀ ଦୁଇ ପୁଅ ସହ ଏକ କଲେଜ ପଡୁଆ ଝିଅ ନିର୍ଭର କରୁଥିଲେ । ଏବେ ଏମାନେ ଅସହାୟ ହୋଇପଡିଛନ୍ତି, ଘର ଛାଡିଲେ ଜମି ବାଡି କିଛି ନାହିଁ ,ଘର ଚଳିବା ଏବେ କଷ୍ଟକର ବୋଲି ଆଜି ଯାଏଁ ପୁଲିସ ହତ୍ୟାକାରୀ ମାନକୁ ଗିରଫ କରିନଥିବାରୁ ଅସହ୍ୟ ମାନସିକ ଯନ୍ତ୍ରଣାରେ ପରିବାର ଲୋକ ରହିଛନ୍ତି ।