କଲକାତା: ଆକାଶ ମାର୍ଗରେ ଏକ ବଡ଼ ଦୁର୍ଘଟଣାକୁ ପାଇଲଟର ଉପସ୍ଥିତ ବୁଦ୍ଧି ପାଇଁ ଏଡ଼ାଇ ଦିଆଯାଇ ପାରିଛି। ରବିବାର ପୂର୍ବାହ୍ନରେ କଲକାତାରୁ ବେଙ୍ଗାଲୁରୁ ଯାଉଥିବା ଏକ ଇଣ୍ଡିଗୋ ବିମାନକୁ ଏହି କାରଣରୁ ଜରୁରୀକାଳୀନ ଅବତରଣ କରିବାକୁ ପଡ଼ିଛି। କଲକାତାରୁ ଆକାଶକୁ ଉଠିଥିବା ୬ଇ-୩୪୫ ବିମାନଟି ରବିବାର ଆକାଶକୁ ଉଠିବାର କିଛି ସମୟ ମଧ୍ୟରେ ପାଇଲଟ ବିମାନର କାଚରେ ଏକ ଫାଟ ଦେଖିବାକୁ ପାଇଥିଲେ। ଉଡ଼ାଣ ସମୟରେ ଏହି ଫାଟ ଦେଇ ପବନ ପଶିବା ସହ ବଡ଼ ଦୁର୍ଘଟଣାର ସମ୍ଭାବନାକୁ ଦୃଷ୍ଟିରେ ରଖି ପାଇଲଟ ତୁରନ୍ତ ବିମାନକୁ କଲକାତାକୁ ଫେରାଇ ଆଣିବାକୁ ନିଷ୍ପତ୍ତି ନେଇଥିଲେ।
