କୋଭିଡ୍ ଟିକାକରଣରେ ରେକର୍ଡ : ଦିନକରେ ନେଲେ ୧ କୋଟି ୩ ଲକ୍ଷ, ମୋଟ ୬୨.୨୯କୋଟିରୁ ଅଧିକ
ନୂଆଦିଲ୍ଲୀ : ଦେଶ ବ୍ୟାପୀ ଚାଲିଥିବା କୋଭିଡ୍ ପ୍ରତିଷେଧକ ଟିକାକରଣ ଅଭିଯାନରେ ଗୋଟିଏ ଦିନରେ ରେକର୍ଡ ସଂଖ୍ୟକ ଏକ କୋଟିରୁ ଅଧିକ ପାନ ଟିକାଦାନ କରି ଭାରତ ଆଉ ଏକ ଉଲ୍ଲେଖନୀୟ ସଫଳତା ହାସଲ କରିଛି । ଏହି ସଫଳତା ପାଇଁ ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ରାମନାଥ କୋବିନ୍ଦ ଏବଂ ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭ୍ୟ ସ୍ୱାସ୍ଥ୍ୟସେବା କର୍ମଚାରୀମାନଙ୍କୁ ପ୍ରଶଂସା କରିଛନ୍ତି। ଏଥି ସହିତ ଦେଶରେ ମୋଟ ଟିକାକରଣ ୬୨ କୋଟି ଅତିକ୍ରମ କରିଛି ।
ଗତକାଲି ଟିକାକରଣର ୨୨୪ତମ ଦିବସରେ ଦେଶରେ ୧ କୋଟି ୩ ଲକ୍ଷ ୩୫ ହଜାର ୨୯୦ ପାନ ଟିକା ଦିଆଯାଇଛି। ଏହାକୁ ମିଶାଇ ମୋଟ ୬୨ କୋଟି ୨୯ ଲକ୍ଷ ୮୯ ହଜାର ୧୩୪ ପାନ ଟିକା ଦିଆ ଯାଇଛି।
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଅନୁଯାୟୀ ସ୍ୱାସ୍ଥ୍ୟସେବା କର୍ମଚାରୀମାନଙ୍କୁ ୧ କୋଟି ୩ ଲକ୍ଷ ୫୬ହଜାର ୮୭୧ ପ୍ରଥମ ପାନ ଏବଂ ୮୩ ଲକ୍ଷ ୨୫ ହଜାର ୩୯୯ ଦ୍ୱିତୀୟ ପାନ ଟିକା ଦିଆଯାଇଛି। ସେହିପରି ଆଗଧାଡିର ଯୋଦ୍ଧାମାନଙ୍କୁ ୧ କୋଟି ୮୩ ଲକ୍ଷ ୧୬ ହଜାର ୩୪୧ ପ୍ରଥମ ପାନ ଏବଂ ୧ କୋଟି ୨୯ ଲକ୍ଷ ୫୯ହଜାର ୨୩୭ ଦ୍ୱିତୀୟ ପାନ ଟିକା ଦିଆଯାଇଛି।ଅନ୍ୟପକ୍ଷରେ ୧୮ରୁ ୪୪ ବର୍ଷ ବୟସ ବର୍ଗରେ ୨୩ କୋଟି ୮୪ ଲକ୍ଷ ୩୦ ହଜାର ୩୫୯ ନାଗରିକଙ୍କୁ ପ୍ରଥମ ପାନ ଏବଂ ୨ କୋଟି ୪୬ ଲକ୍ଷ ୭୩ ହଜାର ୪୯୨ ଦ୍ୱିତୀୟ ପାନ ଟିକା ଦିଆଯାଇଛି।
୪୫ରୁ ୫୯ ବର୍ଷ ବୟସ ବର୍ଗରେ ୧୨ କୋଟି ୮୦ ଲକ୍ଷ ୭୦ ହଜାର ୪୩୬ ଜଣଙ୍କୁ ପ୍ରଥମ ପାନ ଦିଆଯାଇଥିବା ବେଳେ ୫ କୋଟି ୨୩ ଲକ୍ଷ ୭ହଜାର ୪୧୩ ଜଣଙ୍କୁ ଦ୍ୱିତୀୟ ପାନ ଟିକା ଦିଆଯାଇଛି । ସେହିପରି ୬୦ବର୍ଷ ବୟସରୁ ଊର୍ଦ୍ଧ୍ବ ୮ କୋଟି ୫୭ ଲକ୍ଷ ୨ ହଜାର ୬୯୨ ଜଣଙ୍କୁ ପ୍ରଥମ ପାନ ଓ ୪ କୋଟି ୩୮ ଲକ୍ଷ ୪୬ ହଜାର ୮୯୪ ଜଣ ନାଗରିକଙ୍କୁ ଦ୍ୱିତୀୟ ପାନ ଟିକା ଦିଆଯାଇଛି।
Comments are closed.