କଂଗ୍ରେସ ବିଧାୟକ ଦଳ ବୈଠକ ଆରମ୍ଭ: ଉପସ୍ଥିତ ନାହାଁନ୍ତି ତାରାବାହିନୀ ପତି

ସମାଜ ଡିଜିଟାଲ ଡେସ୍କ: ଆଜିଠୁ ଆରମ୍ଭ ହେଉଛି ବିଧାନସଭାର ଅଧିବେଶନ । ଏହାପୂର୍ବରୁ କଂଗ୍ରେସର ବିଧାୟକ ଦଳ ବୈଠକ ବସିଛି । ବିଧାୟକ ଦଳର ନେତା ରାମଚନ୍ଦ୍ର କାଡାମଙ୍କ ଅଧ୍ୟକ୍ଷତାରେ ବୈଠକ ବସିଥିବା ବେଳେ ଦୁଇ ବିଧାୟକ ଏଥିରେ ଅନୁପସ୍ଥିତ ରହିଥିବା ସୂଚନା ମିଳିଛି । ବିଧାନସଭାର ୫୪ନଂ ପ୍ରକୋଷ୍ଠରେ ବସିଛି ବୈଠକ । ବିଧାନସଭାରେ ସରକାରଙ୍କୁ କେମିତି ଘେରିବେ ବିରୋଧୀ ସେନେଇ ବୈଠକରେ ବିଭିନ୍ନ ପ୍ରସଙ୍ଗରେ ଆଲୋଚନା ହୋଇଛି । ତେବେ ବୈଠକରେ ବିଧାୟକ ତାରାବହିନୀପତି ଯୋଗ ଦେଇନାହାଁନ୍ତି । ସେପଟେ ବୈଠକ ପୂର୍ବରୁ ତାରା ବାହିନୀପତିଙ୍କୁ ନେଇ ରାମଚନ୍ଦ୍ର କାଡାମ ଗଣମାଧ୍ୟମରେ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ତାରା ମୋ ବଡ ଭାଇ, ଆମ ଭିତରେ ମନାନ୍ତର ନାହିଁ । କଂଗ୍ରେସ ଏକଜୁଟ ହୋଇ ଲଢିବ ।