‘ଦବଙ୍ଗ-୩’ ପାଇଁ ଜନ୍ମ ସ୍ଥାନରେ ସଲମାନ : ସାମ୍ନାକୁ ଆସିଲା ଚୁଲ୍ବୁଲ୍ ପାଣ୍ଡେଙ୍କ ସିଗ୍ନେଚର ପୋଜ୍
ମୁମ୍ବଇ : ବହୁ ପ୍ରତିକ୍ଷୀତ ଚଳଚ୍ଚିତ୍ର ‘ଦବଙ୍ଗ-୩’ର ଶୁଟିଂ ସୋମବାର ସଲମାନଙ୍କ ଜନ୍ମସ୍ଥାନ ମଧ୍ୟପ୍ରଦେଶର ଇନ୍ଦୋରରେ ଆରମ୍ଭ ହୋଇଛି। ଏହି ଅବସରରେ ଚଳଚ୍ଚିତ୍ରର ଶୁଟିଂ ସେଟ୍ରୁ ସଲମାନଙ୍କ ପ୍ରଥମ ଫଟୋ ସାମ୍ନାକୁ ଆସିଛି। ସଲମାନ ନିଜେ ଏହି ଫଟୋକୁ ସାମାଜିକ ଗଣମାଧ୍ୟମରେ ଶେୟାର କରିଛନ୍ତି। ଏଥିରେ ସଲମାନ ଚୁଲ୍ବୁଲ୍ ପାଣ୍ଡେଙ୍କ ସିଗ୍ନେଚର ପୋଜରେ ନଜର ଆସିଛନ୍ତି। ଫଟୋରେ ନୀଳ ସାର୍ଟ ପିନ୍ଧି ସଲମାନଙ୍କ ବ୍ୟାକ୍ ଲୁକ୍ ଦେଖିବାକୁ ମିଳିଛି। ତାଙ୍କ ପଛପାଖ ଗଳାରେ ସାର୍ଟର କଲର୍ ଉପରେ ଏକ ଚଷମା ଟଙ୍ଗା ହୋଇଛି। ଫଟୋରେ ଚଳଚ୍ଚିତ୍ରର ନିର୍ଦ୍ଦେଶକ ପ୍ରଭୁଦେବାଙ୍କୁ ମଧ୍ୟ ଦେଖିବାକୁ ମିଳିଛି। ସଲମାନଙ୍କ ଏହି ଫଟୋକୁ ତାଙ୍କ ପ୍ରଶଂସକ ଖୁବ୍ ପସନ୍ଦ କରିବା ସହ ତାଙ୍କର ଏହି ରୂପ ଦେଖି ବହୁତ ଖୁସି ମଧ୍ୟ ହୋଇଛନ୍ତି। ସାମାଜିକ ଗଣମାଧ୍ୟମରେ ଫଟୋଟି ଶେୟାର ହେବା ମାତ୍ରେ ଭାଇରାଲ ହୋଇଯାଇଛି।
ଉଲ୍ଲେଖଯୋଗ୍ୟ, ‘ଦବଙ୍ଗ-୩’ର ପ୍ରଯୋଜନା ଭାର ଅରବାଜ ଖାନ୍ ବହନ କରିଛନ୍ତି। ଏହି ଚଳଚ୍ଚିତ୍ରରେ ପୁଣିଥରେ ସୋନାକ୍ଷୀ ସିହ୍ନା ଓ ସଲମାନ ଖାନଙ୍କ ଯୋଡ଼ି ଦେଖିବାକୁ ମିଳିବ। ‘ଦବଙ୍ଗ-୩’ ଚଳିତ ବର୍ଷ ଡିସେମ୍ବରରେ ପରଦାକୁ ଆସିବ ବୋଲି ସୂଚନା ମିଳିଛି।
Comments are closed.