ଚୌଦ୍ୱାର ପୌର ପରିଷଦ ନିର୍ବାଚନ: ୩ ଅଧ୍ୟକ୍ଷ ଓ ୧୯ କାଉନସିଲର ପ୍ରାର୍ଥୀଙ୍କ ନାମାଙ୍କନପତ୍ର ଦାଖଲ

ଚୌଦ୍ୱାର: ପୌରନିର୍ବାଚନ ପାଇଁ ପ୍ରାର୍ଥୀପତ୍ର ନାମାଙ୍କନର ଆସନ୍ତା କାଲି ଶେଷଦିନ। ହେଲେ ଏପର୍ଯ୍ୟନ୍ତ ଖାତା ଖୋଲିନାହିଁ ବିଜେଡି। ପୌରାଞ୍ଚଳର ମୋଟ ୧୯ଟି ୱାର୍ଡରେ ପ୍ରାର୍ଥୀ ଚୟନକୁ ନେଇ ଚାଲିଛି ଛକାପଞ୍ଝା। ଇତିମଧ୍ୟରେ ମୋଟ ୧୪୭ଟି କାଉନସିଲର ଓ ଅଧ୍ୟକ୍ଷ ପଦବି ପାଇଁ ୧୮ଟି ଫର୍ମ ପୌରକାର୍ଯ୍ୟାଳୟରୁ ଆଶାୟୀ ପ୍ରାଥୀମାନେ କିଣିଥିବା ପୌର କାର୍ଯ୍ୟାଳୟ ତରଫରୁ ସୂଚନା ମିଳିଛି। ନାମାଙ୍କନ ଦାଖଲର ପଞ୍ଚମ ଦିନ ସୁଧା ମୋଟ ୩ଜଣ ଅଧ୍ୟକ୍ଷ ଓ ୧୯ଜଣ କାଉନସିଲର ପ୍ରାର୍ଥୀ ନାମାଙ୍କନ ପତ୍ର ଦାଖଲ କରଛନ୍ତିି। କଂଗ୍ରେସ ତରଫରୁ ଆଜି ୪ଜଣ, ବିଜେପି ତରଫରୁ ୪ଜଣ ଓ ସ୍ୱାଧୀନ ଭାବେ ୭ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବା ବେଳେ ଅଧ୍ୟକ୍ଷ ପଦ ପାଇଁ ସ୍ୱାଧୀନ ଭାବେ ସୁଶ୍ରୀ ସୁନିତା ମହାପାତ୍ର ନାମାଙ୍କନ ପତ୍ର ଦାଖଲ କରିଥିବା ଜଣାପଡିଛି।