ପ୍ରତ୍ୟେକ ନିଜ ଉଚ୍ଚତା ଅନୁସାରେ ଓଜନ କେତେ ରହିବା ଆବଶ୍ୟକ, ସେ ବାବଦରେ ଜାଣିରଖିବା ଉଚିତ। ଶରୀରରେ ମେଦ ବୃଦ୍ଧି ହେଲେ ବିଭିନ୍ନ ରୋଗକୁ ନିମନ୍ତ୍ରଣ ମିଳେ। ଓଜନ ବଢ଼ିବାର ଅନ୍ୟତମ ମୁଖ୍ୟ କାରଣମାନ ହେଲା:
– ଶୋଇବାରେ ନିର୍ଦିଷ୍ଟ ସମୟ ରଖନ୍ତୁ। ଅନିଦ୍ରା ହେଲେ ମଧ୍ୟ ଓଜନ ବଢ଼ୁଥିବାର ଅନୁଧ୍ୟାନରୁ ପ୍ରମାଣିତ ହୋଇଛି। ଅନିଦ୍ରା ରହିଲେ ଶରୀରକୁ ବାରମ୍ବାର ଭୋକ ଲାଗେ, ଯାହା କାରଣରୁ ଆମେ ବିିଭିନ୍ନ ପ୍ରକାର ସ୍ନାକ୍ସ ଖାଉ। ଏସବୁ ଖାଇଲେ ହିଁ ଓଜନ ବଢ଼େ।
– ତେଲମସଲା ଖାଦ୍ୟ ଖାଇବା ପରିବର୍ତ୍ତେ ବରଂ ପ୍ରୋଟିନ୍ଯୁକ୍ତ ଭୋଜନ କରିବାକୁ ଗୁରୁତ୍ବ ଦିଅନ୍ତୁ। ନିଜ ଖାଦ୍ୟ ତାଲିକାରେ ସବୁଜ ପନିପରିବା, ଡାଲି ଇତ୍ୟାଦି ସାମିଲ କଲେ ଲାଭ ମିଳେ। ଫାଇବର୍ଯୁକ୍ତ ଭୋଜନ କଲେ ଆମ ଓଜନ ନିୟନ୍ତ୍ରଣରେ ରହେ।
– ଅନ୍ୟପାଖେ ବିଳମ୍ବିତ ରାତିରେ ଶୋଇବା ମଧ୍ୟ ସ୍ବାସ୍ଥ୍ୟ ପାଇଁ କ୍ଷତିକାରକ। ଏହା କାରଣରୁ ଜଣେ ବ୍ୟକ୍ତିର ଦିନଚର୍ଯ୍ୟା ବାଧାପ୍ରାପ୍ତ ହୋଇଥାଏ। ନିଦ ଠିକ୍ ଭାବେ ନ ହେବା କାରଣରୁ ଆମ ଖାଇବା-ପିଇବାର ସମୟ ପରିବର୍ତ୍ତନ ହୋଇ ଓଜନ ବଢ଼େ।
– ରାତ୍ରିଭୋଜନ କରିବାର ତୁରନ୍ତ ପରେ ଶୋଇବା ଉଚିତ୍ ନୁହେଁ। ୨୦-୩୦ ମିନିଟ୍ ଚଲାବୁଲା କରି ଶୋଇବା ଭଲ। ଏଇ ଉପାୟରେ ଆପଣଙ୍କ ଖାଦ୍ୟ ଭଲଭାବେ ହଜମ ହେବା ସହ ଶରୀରରେ ଫ୍ୟାଟ୍ ଜମିନଥାଏ ବୋଲି ବିଶେଷଜ୍ଞଙ୍କ ମତ।
– ରାତ୍ରିଭୋଜନ ପରେ ବିସ୍କୁଟ୍, କୋଲ୍ଡଡ୍ରିଙ୍କସ୍, ଚକୋଲେଟ୍ କିମ୍ବା ଅନ୍ୟ କୌଣସି ପ୍ୟାକେଟ୍ ଖାଦ୍ୟ ଖାଆନ୍ତୁ ନାହିଁ।
