ନଭେମ୍ବର ୮ ପର୍ଯ୍ୟନ୍ତ ଘୁଞ୍ଚିଲା ବସ ଧର୍ମଘଟ ନିଷ୍ପତ୍ତି

ଭୁବନେଶ୍ବର: ବସ ଧର୍ମଘଟ ନେଇ ନଭେମ୍ବର ୮ରେ ନିଷ୍ପତ୍ତି ନିଆଯିବ ବୋଲି ସାମ୍ବାଦିକ ସମ୍ମିଳନୀରେ ବସ ମାଲିକ ସଂଘ ପକ୍ଷରୁ ଘୋଷଣା କରାଯାଇଛି। ନଭେମ୍ବର ୧ ତାରିଖରେ ୧୦ଟି ଜିଲାରେ ଧର୍ମଘଟ ହେବ ଏବଂ ଭବାନୀପାଟଣା ସହ ଆଖପାଖ ୧୦ଟି ଜିଲାରେ ବସ ଧର୍ମଘଟ କରାଯିବ ବୋଲି ସଂଘ ପକ୍ଷରୁ ଚେତାବନୀ ଦିଆଯାଇଛି। ନଭେମ୍ବର ୧ରେ ଭବାନୀପାଟଣାରୁ ଲକ୍ଷ୍ମୀବସ ଚାଲିବା କାର୍ଯ୍ୟକ୍ରମ ରହିଥିବାରୁ ଏହାକୁ ପ୍ରତିବାଦ କରି ସଂଘ ପକ୍ଷରୁ ବସ ଧର୍ମଘଟ କରାଯିବ। ନଭେମ୍ବର ୧ରେ ବ୍ଲକରୁ ଜିଲାକୁ ଲକ୍ଷ୍ମୀ ବସ ଚାଲିଥିଲେ ଧର୍ମଘଟ ହେବ। ତେବେ ରାଜ୍ୟ ସରକାର ନିଜର ନିଷ୍ପତ୍ତି ବଦଳାଇଲେ ଧର୍ମଘଟ ହେବ ନାହିଁ। କୌଣସି ରାଜନୈତିକ ଦଳର ସଭାକୁ ଘରୋଇ ବସ ଦିଆଯିବ ନାହିଁ ବୋଲି ସାମ୍ବାଦିକ ସମ୍ମିଳନୀରେ କୁହାଯାଇଛି।