ରାୟପୁର : ଛତିଶଗଡ଼ ବିଜାପୁର ଜିଲାରେ ବୁଧବାର ଆଇଇଡ଼ି ବିସ୍ଫୋରଣରେ ୪ ସୀମା ସୁରକ୍ଷା ବଳ (ବିଏସ୍ଏଫ) ଯବାନଙ୍କ ସମେତ ୬ ଜଣ ଆହତ ହୋଇଛନ୍ତି। ଘଟଣାସ୍ଥଳରେ ମାଓବାଦୀ ଏବଂ ସୁରକ୍ଷା କର୍ମୀଙ୍କ ମଧ୍ୟରେ ଗୁଳି ବିନିମୟ ଜାରି ରହିଥିବା ସୂଚନା ମିଳିଛି।
ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ବେଳେ ସୋମବାର ବିଜାପୁରଠାରେ ମାଓବାଦୀ ଓ ସିଆରପିଏଫଙ୍କ ମଧ୍ୟରେ ଗୁଳି ବିନିମୟ ହୋଇଥିଲା। ଏଥିରେ ୭ ମାଓବାଦୀଙ୍କ ମୃତ୍ୟୁ ଘଟିଥିଲା ଓ ୫ ଜଣ ସୁରକ୍ଷା କର୍ମୀ ଆହତ ହୋଇଥିଲେ। ପ୍ରତିଶୋଧ ପରାୟଣ ହୋଇ ବୁଧବାର ମାଓବାଦୀମାନେ ସୁରକ୍ଷା କର୍ମୀଙ୍କ ଉପରକୁ ପୁନଃ ଆକ୍ରମଣ କରିଥିବା କୁହାଯାଉଛି।
ସୂଚନା ଅନୁସାରେ ଆଇଇଡ଼ି ବିସ୍ଫୋରଣରେ ଯବାନଙ୍କ ବ୍ୟତୀତ ଜଣେ ସାଧାରଣ ନାଗରିକ ଏବଂ ଜିଲା ରିଜର୍ଭ ପୁଲିସ୍ (ଡିଆରଜି)ର ଜଣେ କର୍ମୀ ଆହତ ହୋଇଛନ୍ତି। ଆହତଙ୍କୁ ବିଜାପୁର ହସ୍ପିଟାଲରେ ଭର୍ତ୍ତି କରାଯାଇଛି।
ଆଇଇଡି ବିସ୍ଫୋରଣରେ ୪ ଯବାନଙ୍କ ସମେତ ୬ ଆହତ
Popular Categories
Previous article
Next article