ପିପିଲି- ଅନେକ ସମୟରେ ଆପଣବି ଏହି ସମସ୍ୟାରେ ପଡିଥିବେ । ବାହାଘର ବରଯାତ୍ରୀରେ ଡିଜେର ବୁକୁ ଫଟା ଚିତ୍କାର ତା ସାଙ୍ଗକୁ ମତୁଆଲା ବରଯାତ୍ରୀଙ୍କ ରାସ୍ତାଜାମ । ଦିପଟେ ଗାଡି ମଟରର ଲମ୍ବା ଧାଡି । ନାକେଦମ ହେଉଥିବା ଲୋକ । ହେଲେ , ମତୁଆଲା ବରଯାତ୍ରୀ ଏହାକୁ ଖାତିର୍ କରୁନଥିବେ। ଏମିତି ସାଧାରଣରେ ଅସୁବିଧା ସୃଷ୍ଟି କରୁଥିବା ବରଯାତ୍ରୀଙ୍କୁ ପୁଲିସ ସାବାଡ କରିଛି ।
ପିପିଲି – ଜଟଣୀ ରାସ୍ତାରେ ରାସ୍ତା ଅବରୋଧ କରି ନାଚୁଥିଲେ ବରଯାତ୍ରୀ, ଡିଜେ ପୁରା ଦମ୍ରେ ବି ବାଜୁଥିଲା। ରାସ୍ତାର ଦିପଟେ ଶହ ଶହ ଗାଡି ଅଟକି ରହିଥିଲେ । ଘଣ୍ଟାଘଣ୍ଟା ଧରି ଅସୁବିଧା ଭୋଗିଥିଲେ ଯାତ୍ରୀ । ବରଯାତ୍ରୀ ବେପାରୁଆ ଭାବେ ଧୀରେ ଧୀରେ ଚାଲିଥିଲେ ।
ଏତିକି ବେଳେ ପହଞ୍ଚିଥିଲା ପୁଲିସ ଗାଡି । ସିଧା ଡିଜେ ଗାଡିକୁ ଜବତ କରି ଥାନାକୁ ନେଇଥିଲା । ଏତିକି ବେଳେ ବରଯାତ୍ରୀ କିଛି ଅସୁବିଧା ସୃଷ୍ଟି କରୁ ନଥିବା କଥା ପୁଲିସକୁ ସଫେଇ ଦେଇଥିଲେ ମାତ୍ର ପୁଲିସ କିଛି ଶୁଣି ନଥିଲା । ଡିଜେ ଗାଡିକୁ ଝବତ କରି ଥାନାକୁ ନେଇଥିଲା । ଜରିମାନା ଆଦାୟ ପରେ ଛାଡିଥିଲା । ବାଧ୍ୟ ହୋଇ ବରଯାତ୍ରୀ ରାସ୍ତାଛାଡିଥିଲେ । ପୁଲିସର ଏହି କାର୍ଯ୍ୟକୁ ସାଧାରଣ ଲୋକ ବେଶ୍ ପ୍ରଶଂସା କରିଛନ୍ତି ।
