ବ୍ରଜରାଜନଗର: ଝାରସୁଗୁଡ଼ା-ସରଡେଗା ରେଳପଥର ରାଜପୁର ରେଳବାଇ ଫ୍ଲାଇଓଭର ତଳେ ଆଜି ଭୋର ସକାଳୁ ରେଳ ଧକ୍କାରେ ଜଣେ ଯୁବକ ଗୁରୁତର ଆହତ ହୋଇଛନ୍ତି। ଦୁର୍ଘଟଣାରେ ଯୁବକଙ୍କ ମୁହଁରେ ଗଭୀର ଆଘାତ ଲାଗି ଥିବା ସୂଚନା ମିଳିଛି।
ଖବର ପାଇବା ପରେ ସ୍ଥାନୀୟ ଲୋକେ ଗୁରୁତର ଆହତ ଯୁବକଙ୍କୁ ଉଦ୍ଧାର କରିଥିଲେ। ଏହାପରେ ତାଙ୍କ ପରିବାର ଲୋକେ ତୁରନ୍ତ ତାଙ୍କୁ ଝାରସୁଗୁଡ଼ା ସ୍ଥିତ ଏକ ଘରୋଇ ଡାକ୍ତରଖାନାକୁ ନେଇଥିଲେ। ହେଲେ ଯୁବକ ଜଣକର ସ୍ଥିତି ସଙ୍କଟାପନ୍ନ ଥିବାରୁ ସେଠାରୁ ପୁଣି ବୁର୍ଲାର ଏକ ଘରୋଇ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଆହତ ଯୁବକଙ୍କ ପରିବାର ତରଫରୁ ସୂଚନା ଦିଆଯାଇଛି।
ଆହତ ଯୁବକ ଜଣକ ହେଲେ ରାଜପୁର ରାଣୀବନ୍ଧ ଅଂଚଳର ଅମିତ କୁମାର ମେହେର (୨୩)। ଆଜି ଭୋର ସକାଳୁ ଯୁବକ ଜଣକ ରାସ୍ତାରେ ଚାଲିଚାଲି ଯାଉଥିବା ଲୋକ ଦେଖିବାକୁ ପାଇଥିଲେ।ତେବେ କେଉଁ ପରିସ୍ଥିତିରେ ସେ ରେଳ ଦୁର୍ଘଟଣାରେ ଆହତ ହୋଇଛନ୍ତି ତାହା ଜଣାପଡ଼ିନାହିଁ।
Comments are closed.