ବୌଦ୍ଧ: ବୌଦ୍ଧ ଜିଲାର ତିନୋଟି ବ୍ଲକରେ ଜିଲା କ୍ରିଡା ସଂଘ ପକ୍ଷରୁ ହେବାକୁ ଥିବା ପଞ୍ଚାୟତସ୍ତରୀୟ ଫୁଟବଲ ପ୍ରତିଯୋଗିତା ପରିପ୍ରେକ୍ଷିରେ ବୌଦ୍ଧ ବ୍ଲକ ପାଇଁ ମୁଣ୍ଡାପଡ଼ା ପଞ୍ଚାୟତଠାରେ ଏହି ଫୁଟବଲ ପ୍ରତିଯୋଗିତା ଉଦଘାଟିତ ହୋଇଯାଇଛି। ମୁଣ୍ଡାପଡ଼ାର ପୂର୍ବତନ ସରପଞ୍ଚ ବିଦ୍ୟାଧର ସ୍ୱାଇଁ ଓ ସମିତିସଭ୍ୟ ସଂଜୟ କୁମାର ପ୍ରଧାନ ଓ ଖେଳଶିକ୍ଷକ ଅମ୍ବରୀଶ ପ୍ରଧାନଙ୍କ ପ୍ରତ୍ୟକ୍ଷ ତତ୍ୱାବଧାନରେ ଆରମ୍ଭ ହୋଇଥିବା ଏହି ପ୍ରତିଯୋଗିତାର ଉଦଘାଟନୀ ଦିବସରେ ଅତିଥି ଭାବରେ ବୌଦ୍ଧ ଏନଏସି ଅଧ୍ୟକ୍ଷ ମୃତ୍ୟୁଞ୍ଜୟ ମିଶ୍ର, ବୌଦ୍ଧ ଗୋଷ୍ଠୀ ଉନ୍ନୟନ ଅଧିକାରୀ ଅବିନାଶ ପାଣ୍ଡିଆ, ଜିଲା କ୍ରିଡା ସଂଘର ସଂପାଦକ ରବୀନ୍ଦ୍ର କୁମାର ରାଉତ ପ୍ରମୁଖ ଯୋଗ ଦେଇଥିଲେ।
ପ୍ରଥମ ଦିବସରେ ଦୁଇଟି ମ୍ୟାଚ ଖେଳା ଯାଇଥିବା ବେଳେ ପ୍ରଥମ ମ୍ୟାଚ ବଘିଆପଡ଼ା ଓ ବହିରା ମଧ୍ୟରେ ଅନୁଷ୍ଠିତ ହୋଇଥିଲା। ନିର୍ଦ୍ଧାରିତ ସମୟ ମଧ୍ୟରେ କୌଣସି ଦଳ ଗୋଲ ଦେଇ ନପାରିବାରୁ ଟାଇ ବ୍ରେକର ସହାୟତାରେ ବଘିଆପଡ଼ା ଦଳ ୩-୧ ଗୋଲରେ ବିଜୟୀ ହୋଇଥିଲା। ସେହିପରି ଦ୍ୱିତିୟ ମ୍ୟାଚ ବ୍ରାହ୍ମଣିପାଲି ଓ ଖୁଣ୍ଟବନ୍ଧ ପଞ୍ଚାୟତ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ଖୁଣ୍ଟବନ୍ଧ ଦଳ ଗୋଟିଏ ଗୋଲରେ ବିଜୟୀ ହୋଇଥିଲା।
Comments are closed.