ସମାଜ ଡିଜିଟାଲ ଡେସ୍କ: ପୁରୀ ମେଡିକାଲ ଛକସ୍ଥିତ ଜଗନ୍ନାଥବଲ୍ଲଭ ବହୁତଳ ପାର୍କିଂସ୍ଥଳରେ ଘଟିଛି ଅଘଟଣ। ରବିବାର ପାର୍କିଂସ୍ଥଳରେ ଗାଡ଼ି ପାର୍କିଂ ସମୟରେ ଏକ ବୋଲେରୋ ପ୍ରଥମ ମହଲାରୁ ତଳକୁ ଖସିପଡ଼ିଛି। ଫଳରେ ଗାଡ଼ିରେ ଥିବା ଡ୍ରାଇଭର ଗୁରୁତର ଆହତ ହୋଇଛନ୍ତି। ତାଙ୍କୁ ଚିକିତ୍ସା ପାଇଁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଡ୍ରାଇଭର ଜଣକ ଧାମରା ଅଞ୍ଚଳର ବୋଲି ସୂଚନା ମିଳିଛି।
ତେବେ ପାର୍କିଂସ୍ଥଳ ନିର୍ମାରେ ତ୍ରୁଟି ଯୋଗୁ ଏଭଳି ଅଘଟଣ ଘଟିଥିବା କିଛି ଡ୍ରାଇଭର ଅଭିଯୋଗ କରିଛନ୍ତି। ସେମାନଙ୍କ କହିବା ଅନୁସାରେ, ବହୁତଳ ପାର୍କିଂସ୍ଥଳ ହୋଇଥିବାର ପ୍ରତ୍ୟେକ ଫ୍ଲୋର ବା ମହଲାରେ ସୁରକ୍ଷା ପ୍ରାଚୀର ରହିବା ଜରୁରୀ। କିନ୍ତୁ ଏଠାରେ ତାହା ନିର୍ମାଣ କରାଯାଇ ନାହିଁ। ଯେଉଁଥିପାଇଁ ଏଭଳି ଅଘଟଣ ଘଟିଲା।
