ଗଞ୍ଜାମ : ଗଞ୍ଜାମ ବ୍ଲକ ଅନ୍ତର୍ଗତ ଲଷ୍ମୀପୁର ନିକଟରେ ଓଭର ବ୍ରିଜ ତଳେ ଟିକିଏ ବର୍ଷାରେ ଦୀର୍ଘ ଦିନ ପର୍ଯ୍ୟନ୍ତ ପାଣି ଜମି ରହୁଛି । ଏପରି କି ସେଠାରେ କୁତ୍ରିମ ପୋଖରୀ ସୃଷ୍ଟି ହେଉଛି । ଫଳରେ ସେହି ରାସ୍ତାରେ ଲୋକଙ୍କୁ ଯିବା ଆସିବାରେ ବ୍ୟାଘାତ ସୃଷ୍ଟି ହେଉଛି। ସ୍କୁଲ ଓ ଟ୍ୟୁସନ ଯିବାବେଳେ ପିଲାମାନେ ପାଣି ଭିତରେ ଯିବାକୁ ବାଧ୍ୟ ହେଉଛନ୍ତି । ଏହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ଜାତୀୟ ରାଜପଥ ପ୍ରାଧିକାରଣ ବିଭାଗ ଏଥି ପ୍ରତି ଦୃଷ୍ଟି ଦେବାକୁ ଦାବି ହେଉଛି । ସୂଚନା ଯୋଗ୍ୟ ଯେ ଲଷ୍ମୀପୁର ନିକଟରେ ହୋଇଥିବା ଓଭର ବ୍ରିଜ ତଳେ ପାଣି ନିଷ୍କାସନ ପାଇଁ ବ୍ୟବସ୍ଥା ଠିକ ନଥିବା ଯୋଗୁଁ ଟିକେ ବର୍ଷା ହେଲେ ସେଠାରେ ପାଣି ଜମି ରହୁଛି । ଫଳରେ ସେହି ରାସ୍ତା ଦେଇ ଲଷ୍ମୀ ପୁର,ଝାଡକୁଦା, ଓ ସୁଯ୍ୟ ନାରାୟଣପୁର ଅନ୍ୟାନ୍ୟ ଗ୍ରାମର ଲୋକଙ୍କୁ ଯାତାୟାତ କରିବାରେ ଅସୁବିଧା ସୃଷ୍ଟି ହେଉଛି । ଏପରିକି ବ୍ରିଜ ଉପରେ ମଧ୍ୟ ବର୍ଷାରେ ପାଣି ଜମି ରହୁଛି । ଏଥିପ୍ରତି ଜାତୀୟ ରାଜପଥ ପ୍ରାଧିକରଣ ବିଭାଗ ଦୃଷ୍ଟି ଦେବାକୁ ଦାବି ହେଉଛି ।
Popular Categories
Previous article
Next article