କଣ୍ଟାବାଞ୍ଜି – ତୁରେକେଲା ଥାନା ଅନ୍ତର୍ଗତ ବଗବାହାଲ ଗାଁ ନିକଟ ରେ ବାଇକ ଦୁର୍ଘଟଣା ରେ ଜଣେ ମହିଳାଙ୍କର ଘଟଣାସ୍ଥଳ ରେ ମୃତ୍ୟୁ ହୋଇଥିବା ବେଳେ, ୨ ଗୁରୁତର ହୋଇଛନ୍ତି । ମଙ୍ଗଳବାର ଅପରାହ୍ନ ରେ ବଗବାହାଲ ଗାଁ ର ଯୁଧିଷ୍ଠିର ରଣା, ସ୍ତ୍ରୀ ସନ୍ତୋଷିନୀ ରଣା ଓ ଖୁଡ଼ୀ ରିତାଞ୍ଜଳୀ ରଣା ତୁରେକେଲା ଗ୍ରାମପଞ୍ଚାୟତରୁ ପି ଡି ଏସ ଚାଉଳ ପାଇବା ପରେ ଗୋଟିଏ ବାଇକ୍ରେ ଫେରୁଥିଲେ ।
ଖୁଡ଼ୀ ରିତାଞ୍ଜଳୀ ପିନ୍ଧି ଥିବା ଶାଢୀ କାନି ବାଇକ ପଛପଟ ଚକାରେ ଗୁଡେଇ ହୋଇ ଯିବାରୁ, ସମସ୍ତେ ଛିଟିକି ତଳେ ପଡିଯାଇଥିଲେ । ରିତାଞ୍ଜଳୀଙ୍କ ମୁଣ୍ଡ ରେ ଆଘାତ ଲାଗି ଘଟଣା ସ୍ଥଳରେ ମୃତ୍ୟୁ ହୋଇଯାଇଥିବା ବେଳେ, ଅନ୍ୟ ଦୁଇଜଣ ଯୁଧିଷ୍ଠିର ଓ ସନ୍ତୋଷିନୀ ଙ୍କୁ ଗୁରୁତର ହୋଇଥିଲେ । ଦୁଇ ଜଣଙ୍କୁ ତୁରେକେଲା ଡାକ୍ତର ଖାନାରେ ପ୍ରାଥମିକ ଚିକିତ୍ସା ପରେ ବଲାଙ୍ଗୀରକୁ ଅଧିକା ଚିକିତ୍ସା ପାଇଁ ସ୍ଥାନାନ୍ତର କରାଯାଇଛି । ପୁଲିସ ଏକ ମାମଲା କରି ଘଟଣାର ତଦନ୍ତ କରୁଛି ।
Comments are closed.