ଚୌଦ୍ୱାର : କେନ୍ଦ୍ରରେ ବିଜେପି ସରକାରର ୮ବର୍ଷ ପୂର୍ତ୍ତି ଅବସରରେ ଏକ ବିଶାଳ ମହିଳା ସମାବେଶ ସ୍ଥାନୀୟ ଟାଉନହଲ ପରିସରରେ ଅନୁଷ୍ଠିତ ହୋଇଯାଇଛି। କଟକ ଜିଲ୍ଲା ମହିଳା ମୋର୍ଚ୍ଚାର ସଭାନେତ୍ରୀ ଯାଜ୍ଞସିନୀ ଜେନାଙ୍କ ନେତ୍ୱତରେ ଆୟୋଜିତ ସମାବେଶରେ ରାଜ୍ୟ ସଭାନେତ୍ରୀ ସ୍ମୁତି ପଟ୍ଟନାୟକ, ଭାଜପା ନେତା ପ୍ରକାଶ ଚନ୍ଦ୍ର ବେହେରା, ନୟନ କିଶୋର ମହାନ୍ତି, ରାମନାରାୟଣ ମହାନ୍ତି, ଅମର ନାୟକ, ଲଲାଟେନ୍ଦୁ ବଡୁ, ପ୍ରବୀଣା ମହାପାତ୍ର, ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱିତୀୟ ପାଳିର ତୃତୀୟ ବର୍ଷ ପୂର୍ତ୍ତି ଅବସରରେ ଆୟୋଜିତ ଏହି କାର୍ଯ୍ୟକ୍ରମରେ କେନ୍ଦ୍ର ସରକାରଙ୍କ ବିକାଶ, ମହିଳାଙ୍କ ପାଇଁ ବିଭିନ୍ନ ପ୍ରକାର ଉନ୍ନୟନ ମୂଳକ ଯୋଜନା ସମ୍ବନ୍ଧରେ ବିଶେଷ ଆଲୋକପାତ କରାଯାଇଥିଲା ।
ଏଥି ସହିତ ସମାଜରେ ମହିଳା ମାନଙ୍କ ଭୂମିକା ସମ୍ପର୍କରେ ଅତିଥି ମାନେ ଆଲୋଚନା କରିଥିଲେ। ଚୌଦ୍ୱାର କଟକ ନିର୍ବାଚନ ମଣ୍ଡଳୀର ବିଜେପି ନେତ୍ରୀ ଦେବସ୍ମିତା ନାୟକ, ଜ୍ଞାନେନ୍ଦ୍ର ସ୍ୱାଇଁ, ବୈରାଗୀ ପ୍ରଧାନଙ୍କ ସମେତ ବହୁ ଛାମୁଆ ନେତା, ମହିଳା ନେତୃ ମଣ୍ଡଳୀ ଓ କର୍ମୀମାନେ କାର୍ଯ୍ୟକ୍ରମରେ ଯୋଗଦେଇଥିଲା।
Comments are closed.